📝 [PANTON ACEH] #6 : Rakan Sinaroh

in #pantoen-aceh6 years ago (edited)

Rakan Sinaroh

Assalamu'alaikum saleum lam rampoe
Tanda lon pakoe rakan syedara
Ulon bri saleum mandum beusigoe
Si beurangkaso bandum yang baca..

Bacut lon karang kisah lam rampoe
Teuingat bacut ulon meurika
Rakan sinaroe judul lon pasoe
Meunyoe keu asoe nasehat lon ba..

Peureule parang 'oh koh bak panjoe
Sibok mita goe bak utoh bara
Ingat keu tuhan rakan sinaroe
Dua blah jaroe do'a ta pinta..

'Oh saket badan su'um ngon asoe
Bak tuhan sidroe ta lake teuga
'Oh puleh badan ka mangat asoe
Keu tuhan sidroe teuwoe ngon lupa..

Pajan chiet pajan teu ingat sigoe
'Oh ka meupaloe deungon binasa
Baro teubayang keu tuhan sidroe
Malam ngon uroe taroe ie mata..

Ingat keu tuhan rakan sinaroe
Malam ngon uroe bek sagai lupa
Teumpat singgahan sinoe lam nanggroe
Mandum teuh tawoe u alam baqa..

Beuna amalan keu pangkai tawoe
Ta peu siap droe wate ta gisa
Nyo tan amalan keubit that rugoe
Baro phon tawoe peudeh tarasa..

'Oh noe hai rakan kisah lam rampoe
Bah laen uroe ta sambong haba
Meuah lon tuan nyo salah asoe
Kadang meu gawoe bak tuleh rika..

Sort:  

'Alaikum salam lon sambong adôe
Bak kanda sidroe saleum yg teuka
Mangat ngên sakét lam udép putrôe
Keu Tuhan sidrôe bek sagai lupa

Tan ingat Tuhan akan meupalôe
Cukop that rugô di yaumil masya.
Lôn ba tamsilan kapai meurantôe
Penumpang phang-phô keumeudô hana

Segalom matê ingat tubôh drôe
Bek sampô lalô ngen nikmat donya
Bek tan sembayang wahê é adôe
Bek sampe lalô ho yang angèn ba

Nibak Steemit wahe ê putrôe
Dikanda sidroe jeulame meumita
Bagah trôk hajat Tuhan peusampôe
Bagah meusahôe geutanyôe dua.

Bagus balasan pantunnya bg.. terimakasih 😊😊

Sampoe paja lon preh bg?

Tan trép masa wahé ê dinda
Akan kanda ba ranup meutalô
Dengan rombongan dan ureung tuha
U teupin Punti grak langkah sampô

Doa bak Tuhan mohon é dinda
Beu bagah sigra di kanda sampô
Bêk meuganto thón dilingkeu masa
Di kanda teuka u rumoh adô

Jinoe balasan haba keu kanda
Beu rijang sigra dinda peusampô
Pukeuh sepakat peunutôh kanda
Kiban bak dinda pendapat adô

😂😂😂😂

Tajak u pekan tamita gulee
Talhap ngen coco mangat buken lee
Terimong geunaseh dinda ukee
Keu kanda sidro gop poe hatee

😂😂😂

Hahaha...

Pô hate kanda cit Tuhan sidrôe
Yang tanyô pujô si umu masa
Lam haté kanda cit dinda sidrôe
Bêk ragu adôe kanda setia.

Hahahaha nyan ka jeulas abg 😂😂😂

Hehe... Bek ragu2 dinda euk.... 😂😂😂

W'kumSalam neupiyouh laju bak loeng poe rangkang
Adak pih tameh singet ampoen yang juet keu tukang
Mang koep meusanuet pantoenNasehat dekWinda sayang
Awai koen ampoen lupah tungang jinoe ka rajin seumayang

#KarapPuasaAmponBekLaleSabeeiyuepBakAmplam 🙏😂

Hahahaa alhamdulillah that. Droneu lom beuh 😂😂

Hi @windaandriani follback ya salam kenal

Oke @rizkyfajri. Salam kenal juga😊

Njan payah ta peugot panggong untuk meu panton

Lon dumban jeut. Tapi sebagai juri beuh 😁

Lon preh tgk 😁

Tapaso ubat u dalam kaca
Nyoe panton kaleuh long baca

Tajak u pasai tablo ikan
Terimong geunaseh ulon ucapkan

😁😁

Mang nah ampoen hana jie oeh ngoen mari kaca
Dum baje dalam hideh geubloe ie'singapura
Oeuh takaloen ampon jinoe mpah jago bak karang carita
Nyamban gap pantoen dekWinda cuma geubalah dua boh kata

#Ampoenbekjaijeipubatlamkaca!!

E e e e e bungong ceudah Harapan nangroe.

Cut abg lagee.. piyoh bg piyoh...

Hiu-hiu rame

Apa itu 😂😂😂

Khaira amrina bg

Coin Marketplace

STEEM 0.35
TRX 0.12
JST 0.040
BTC 70884.24
ETH 3570.27
USDT 1.00
SBD 4.76