#47 - Pantoen Aceh | Meubalah Panton

teungku-muda (45)in #panton • 6 years ago

Aneuk kikirong lam ie beurawang
Aneuk seumilang bak mieng Kuala
Nyoepat hai dekti katroh Loen datang
Deungoen tujuan jak balah haba

Bunoe neu tanyoeng bak uloen tuan
Pue tra nasajan jurus uloen ba
Teuma oh jinoe loen bri jawapan
Seribu bayang jurus loen buka

Deungoen jurus nyoe han pue meu'ayang
Ngoen kekuatan hebat leumpahna
Dak bacut keunoeng langsong jeut pitam
Seakan-akan terjadi geumpa

Oh lheuh nyan kubèt kupangke badan
Dek Ti sayang Hana le daya
Kumat bak jaroe gaki ngoen tangan
Kuhapit rijang keudeh uluwa

Dek Ti ka talo di uloen meunang
Ilmee loen tuan Hana bandeng sa
Sinoe Keuh akhe dum pergaduhan
Sampoe loen tuan diangkat Raja

Meu - Panton

6 years ago in #panton by teungku-muda (45)

Sort:

armiyavic (34) 6 years ago

Cidah that panton geutanyo Bangtsa Aceh, Tgk. Lon tak paham apa otu kikirong dan air beurawang. Terima kasih Tgk ya

$0.00

teungku-muda (45) 6 years ago

Muah wahee meutuah
Hana lon singgah ka padim uroe
Nyoe baroe sempat ulon balah
Ka hana mangat sang lon ngon droe.

Teurimoeng Geunaseh

$0.00

STEEM 0.26

TRX 0.11

JST 0.033

BTC 63966.64

ETH 3055.32

USDT 1.00

SBD 3.87