Sarkar ki pension yojana gareebo ke liye
Hello Dosto, Iss saal ka budget to aap ne news me suna hi hoga. Iss budget me shramyogi mandhan yojana ke baare me bhi baat hui hai. Iss scheme ka faayda ye hai ki unorganized sector me kaam kar rahe logo ko 60 saal ke baad pension di jaayegi. Iss pension ki rakam 3000 rupya har mahine rakhi gayi hai. Matlab har mahine 3000 rupya ka pension milega iss me.
Iss scheme ki ghosna isi saal budget me ki gayi thi aur ab 15 february se iss scheme ko shuru kar di jaayegi. Ab sarkar ne bata diya hai ki iss scheme ka faayda kon utha sakta hai aur kiss tarah se utha sakta hai. Chaliye fir main aap ko batata hoon ki kaise unorganized sector waale iss ka faayda uthaa sakte hai.
Kewal inko milega pension
Dosto budget me ye ghosna ki gayi thi ki iss ka faayda kewal unorganized sector waalo ko hi milega aur kisi ko bhi nahi. unorganized sector me kaafi log aate hai jo chote mote kaam karte hai na wo log jaise ki rickshaw chalaane waale, chote dukaan daar waale, mochi aur dhobi aur jo ghar wagera banaate hai wo majdoor log. Matlab jo gareeb rekha me aate hai majdoor log wahi log iss pension ka faayda uthaa sakte hai.
Chaliye dosto akhir in gareebo ka bhi ab bhala hoga. Bechaare ye gareeb log roj kamaane aur khaane waale insaan hai. Jab budhaa jaate hai to inko koi sahara nahi milta hai ab iss scheme ke aa jaane se inka bhi kuch bhala ho jaayega.
Banda 15,000 se jyada na kamata ho
Iss me unhi ko pension milega jiss ki income har mahina 15k se kam ho. Jinki income 15k se jyada hogi unko pension nahi milega. Waise bhi yaar rickshaw chalaane wale ki income ya mochi, darji wagera ki income itna jyada nahi hoti hai. Inko iss ka faayda mil hi jaayega.
Aadhar card aur bank account hai jaruri
Jiss ko bhi iss pension yojana me hissa lena hai unke pass adhar card hona jaruri hai aur iss ke saath saath unke pass bank account bhi hona jaruri hai. Isliye aap aise kisi insaan ko jaante hai to unko jarur bata de iss pension yojana ke baare me.
Aaj ke liye bas itna hi ab agli post me main aap ko iss ke baare me aur bhi details se bataunga. Isliye meri agli post jarur padhna, tab tak aap meri pichli post bhi padh sakte hai. Apni pichli post me maine NPS ke baare me bataya tha aur uss se pahle maine aap ko LIC ke ek policy ke baare me bhi bataya tha aap ne nahi padha hai to jarur padh lena.