Steemph.cebu's Community Question #13 : "Unsay Natabang Kanimo sa Steemit sa imong Personal na Kalambuan?"

in #philippines6 years ago

Welcome to Steemph.cebu's Community Question # 13!

Malipayon kami na ania na kita sa ika-treseng edisyon sa Steemph.cebu's Community Question! Daghang salamat sa kanunay pag-apil ug pagsuporta sa mga aktibidad sa @steemph.cebu!

Pangutana :"Unsay Natabang Kanimo sa Steemit sa imong Personal na Kalambuan?"

The goal of this initiative is to provide a better Steemit community for Cebuanos by asking them questions relevant to Steemit and at the same time rewarding the best answers we feel. We want the Cebu community to be engaging as possible and an equally distributed rewards.

Apart from the goal of discovering quality content's from Cebuanos and neighboring cities, we want to hear your experiences and reasons of joining this platform. We value our community discussions and that we believe it will be beneficial to the community.

Post your reasons in Bisaya (Vernacular)

Kay gusto namo mahatagan ug chance ug oportunidad ang mga Cebuano langkip na ang ubang lungsod sa kabisayaan na makasinati ug mga butang na para ragyud kanila. Amo kamong giawhag na ikomento ang inyong mga kaagi ug "Unsay Natabang Kanimo sa Steemit sa imong Personal na Kalambuan?".

Upat ka Mapalad na Mananaog ang Makadaog ug 1.5 SBD kada-usa.

Upat ka Steemit user makadawat matag usa ug 1.5 SBD isip premyo sa ilang maanindot na rason sa pag-apil sa Steemit. Dili lang sukatan ang kanindot sa inyong rason nganong niapil kamo ani na platform, kundili apil na kung giunsa ninyo pag present ang inyong mga rason. Langkip na ana ang Markdown Techniques ug saktong paghan-ay sa inyong mga thoughts.

I-komento dinhi ang inyong mga rason anhi na post!

I komento dinhi ang inyong kaagi o rason ug amo kining pilian base sa mga criteria na among gilangkip sa taas na bahin. Among i anunsyo ang mga mapalad na mananaog human sa payout ani na post. Giawhag ko kamo mga bisdak na ipadayag inyong mga mga kaagi. Gusto namo kini madungog ug aduna pa kini nakatangag na ganti!

Daghang Salamat! ug More Power Cebu! :)

Sort:  

siguro sa akong kaugalingong opinyon lang ha, para nako nakatabang ko sa pagpahbibawo sa mga steemians sa wala pa nila nahbaw.an, kada usa ka nato adunay nahibaw.-an nga wala nila og pag lantaw nako kung unsa ang kinabuhe. Unya sa akong personal na kalambuan, siguro napun.an og kompyansa sa pag sulat bisan usahay kung dili usahay, "wrong grammar" sa english. he he og ang naka nindot ani, naay mobasa kung unsay naas sulod sa akong huna-huna ky kung imung e.storya sa uban basin dili sila ganahan maminaw. Daghang salamat ani nga pangutana.

Sorry in advanced for the nosebleed...

Wisdom is the totality of our personal experiences and knowledge, which leads us to make good judgments in our day to day actions. Since wisdom is fundamentally based on one's personal experience, then it dictates, that one can only become wiser by failing, and learning form one's mistakes. We are not perfect in any way, and thus we can only improve our selves by making mistakes along the way. After all, we learn nothing if we succeed at everything we do, every single time - this only makes one arrogant. We learn by trying new ways, until we find one that works for us, for a particular situation. After all, it has been said countless times, that Thomas Edison did not discover one way to make an electric light bulb, he learned thousands of ways that did not work.

Since wisdom is based upon our failed experiences and our ability to learn from them, then we all can develop our own geniuses, by taking a leap of faith, trying new things until you find something that clicks. And if we make mistakes along the way, we learn from those mistakes - that's what helps us to improve.

We can also improve through open collaboration among one another. This means that we should not fight for that next big vote, rather we should work towards a common goal of providing something - selflessly - for the betterment of the community as a whole.

Pangutana :"Unsay Natabang Kanimo sa Steemit sa imong Personal na Kalambuan?"
Dako ug daghan ang natabang sa ako ang steemit.
Una ug mao ni ang pinaka bug.at na rason, nakatabang gayud sa akong personal na mga gasto para sa ako pamilya ug sa akong anak sa iyahang pag eskwela sa pribado. Hinay pero kanunay ko ga post para maka kwarta gihapon dria bisag gamay pero kanunay gihapon.
Ikaduha: dri sa steemit daghan koy nahibaw.an na wala nahibaw.an sa skwelahan sauna ug bisag asa pa. Kay ang steemit nag una jud sa mga balita ug unsay bag.ong nahitabo sa kalibutan lakip na gayud ang pagpadaghan ug kwarta pinaagi aning crypto currency.
Ikatulo: daghan ko naila ug na amiga dri sa steemit dili lang Pinoy pero mga uban pang lahi. Naay uban na chat pa nako sa facebook kai tuod na amiga o amigo na lagi.
Ikaupat: daghan kaayo nahimong milyonaryo dria na mainspire pud ka na mapareha nila. Gabasa jud ko ug ga follow sa ilaha para mahibaw.an nako ang ilaha mga secreto sa paglambo sa kinabuhi. Karon dako jud ang pagbag.o sa akong paghuna Huna ug sa akong pinansyal na aspeto sa kinabuhi.
Ikalima: bisag wrong grammar usahay perpoGa support jud gihapon ang atong mga ka grupo dria tungod sa stong panaghiusa na molambo ta tanan ug tinabangay.

Una sa tanan maayong adlaw kaninyo.Daghan og dako kaayu ang natabang ang STEEMIT ka nako:UNA ,nakatabang kani kanako og dako bahin sa pinansyal bisag gamay pero kanunay:IKADUHA,nabaid og nahasi pag ayu ang ako pagkamaayu musawat pamaagi sa pagbuhat og blog!og pamaagi sad sa pag apil sa grupo nga CEBU WRITERS GUILD diin kining nga grupo tudloan ka og unsaon paghimo og maayu og maanindot nga blog.IKATULO dili lng ako ang natabangan sa STEEMIT kung dili ang uban tao nga dili membro sa STEEMIT susama nlng sa awesome smile project,kung diin gehatagan og dakong grasya og kalipay ang mga bata dinhi sa sugbo.Busa ako,mapasalamaton ko nga na membro ko ani.

"Unsay natabang kanimo sa steemit sa imong personal nga kalambuan?"


Una- Kalambuan isip usa ka amahan,

Isip usa ka amahan ako kini nga gi consider nga usa ka matang sa kalambuan ang maila-ila ang mga batan - on nga steemians nga mga propisyonal ug mga tarong nga modelo sa kabataan karon. Gani pirme nko ingnon ako anak " dong pagtarong gyud ug skwela ha, para mapareho ka sa mga batan-on sa steemit nga malampuson sa ilang pagtoon puhon kung modako nka pag steemian pud". Mapasalamaton kaayo ko nga nakaila nko ang mnga steemians nga mahimong ihemplo sa akong anak aron siya puhon molambu usab.

Ikaduha-Kalambuan isip usa ka bana,

Napun-namo ang oras sa among bonding moment sa akong asawa nga si @fabio2614. Panahon nga naa koy dili masabtan o maglisod ko ug English anha mangutana niya kay maestra man siya. Aduna pud kami " exchange of opinions" sa dli pami mo post sa amo blog. Magpangutan-anay mi nga " kung ikaw mobasa ani ganahan ka mo basa ?, unsa imo ikasulti sa ako post nindot?" Ang bonding namong duha mas nakahimo kani ug pundasyon para mas molambo ang among panaghigugmaay. Sauna dugay kaayo ko mooli maghapit bisan asa pero karon magdali nko para maka blog dayon. (Kinsay na ka relate diha guys?)

ika tulo- Kalambo an sa Emosyonal nga bahin,

Nalipay gyud ko ug dako nga ni bulontaryo ko sa Awesome S.M.I.L.E charity project nga gipanguluhan sa bootan nga si @indayclara, diin nahimamat gyud nko up close and personal ang mga street children. Dugay na gyud ko gusto moapil ug mga in ani kung wala ko matiguwang wla gyud ko kasuway. Pero natuman ra gyud ug malambuon ko nga ni reach out nila ug nakita ang ilang mga ngisi. Ang ilang kalipay usa kini sa matang sa kalambuan nga mahirap ma explain, kana bitaw nga gaan kaayo imo pamati.

Ika-upat Kalambuan Pinansyal

Bisan paman nga kaming duha sa akong asawa adunay trabaho, sa gihapon dli gyud malikayan nga ma short mi sa amo budget labi na kung tingbayad sa kuryente,tubig, tuition fee. Iapil na lang ang bugas ug sud-an. (Ha ha ha) kinsay naka relate na pud guys? Pinaagi sa among income sa steemit dli nami kinahanglan mangutkot sa among ulo. Dako jud naitabang ang steemit example, ako wife muingon nga hapit na mahurot ang gatas sa atong anak, muingon ra pud ko pag withdraw lang ug sbd ( Ha ha, hilas kaayo ko mora ug daghan sbd). Sauna kinahanglan pami mangutang o mag prenda pero karon dli na kaayo! Salamat sa Ginoo nga nakatabang gyud sa amo kalisod ang steemit ug nga mas mo lambo ang dagan sa amo inadlaw nga panginabuhi.

Ika-lima Kalamboan sa Akong Kaugalingon

Tungod sa steemit nakat -on ko nga mag research sa mga English words nga dli nko masabtan. Nakabaid kini sa akong utok kay 20 na ka tuig ang nilabay last ko naka skwela. Na aware pud ko sa akong pag English kay ang steemit dli man pareha sa Facebook nga isang caption lang ok na! Deadma ra gyud ko sa una sa ako mga English bahalag wrong grammar. Pero karon ahem! makatulog ug alas 2 sa kadlawn himo ug blog sige ug review kung wala bay sayop. Gani pwerti gyud nakong lipaya nga na feature ko sa https://steemit.com/trending/106th sa @steemitfamilyph ug sa https://steemit.com/teardrops/@teardrops/teardrops-token-proof-of-tears-the-curation-a-tear-now-has-value-63 ang akong post ning semanaha.
Nagpasalamat ko sa steemit sa tanan nga kalambuan nga akung naangkon!

"Kalambuan sa @steemph.cebu, kalambuan natong tanan mga Sugboanon!"

Daghan salamat,

@juichi

Pangutana: Unsay natabang kanimo sa steemit sa imong personal nga kalambuan?

Una daku gyud ug natabang nako ang steemit pinaagi pag edukar usab sa akong kaugalingon. Dugay nako nahuman ug eskwela. Di nako kahibalo mosawat ug iningles kay lagi di gamit sa akong pagpanarbaho. Pinaagi niini makapangita ko ug unsay hulbad sa ingles ngadto sa tagalog ug unsa buot gayod ipasabot. Mao na ni ang tubag sa akong mga damgo nga sige ko ug eskwela. Bisan sa akong pangidaron maka damgo paman gayud ko nga moeskwela. Dinhi nabansay ang akong utok paghunahuna kung unsa akong isuwat Karon adlawa. Ug makahimo ko ug oras pag panaliksik sa internet Kung unsay angayan pa nako mahibaluan. Sa una wala koy labot kung unsa nang mabasahan nako parti ug cryptocurrency pero Karon niapil ko sa steemit hinay hinay na nako nahibaluan ug unsa gayod na siya.

Ikaduha, nakatabang sad ni sa akong pinansyal nga kalamboan. Naa koy lain kita nga makatabang kanako ug sa akong mga igsoon ug ginikanan nga manginahanglan sa akong tabang. Sukad ko niapil sa steemit nakatigom ko ug SBD ug dali ra makobra kung naa koy important kinahanglanon nga kwarta ug dili nako maka pangutang .

Ikatulo, kay pinaagi sa steemit nakaapil ko ug komunidad ug makatabang sa ubang tawo nga nanginahanglan kayo. Ako niapil sa grupo nga Cebu writers guild. Diin tudluan ko aron mabansay ang akong pagsuwat. Ug gumikan ani nakatabuhat mi ug programa . The owesome smile project alang sa mga bata nga palaboy sa dalan pinaagi sa paghatag Kanila sa ilang panginahanglan . Usa ko nga boluntaryong niapil sa kalihokan. Kay ganahan gayod ko mosalmot ani aron mapakita nako nga andam ko motabang sa uban.

Daghan salamat....

Kana bitawng panahon nga down kau ka sobra pa s 100% tungod sa dli kapugngan nga nahitabo s personal nga kinabuhi ug mangita kag outlet para dli nimo ma-internalized ang sobrang kaguol, mao gyud ang unang natabang sa Steemit nako. Kon manumduman sa akong first blog to introduce myself, akong naistorya didto ang personal nako nga kinabuhi though dili unta to angay, siguro tungod kay atong higayuna sobra ang depression nga akong gibati. Wala jd ko ngmind sa upvotes kada post nako tungod kay ang akong tumong mao lang nga mabusy ko ug dili na makahuna-huna pa sa akong problema. Kining dapita makaingon nako nga dako kaayog natabang nako ang Steemit pg move-on hangtod nga na daily routine na nako ang pagpost.

Wala koy skills sa paghimo ug mga konsepto, unsaon pag organize ug mga paragraphs aron masabtan sa readers pero kon makadungog ka sa imo Steemian coworker nga ni appreciate sa akong style sa pagsuwat, hala nakasmile sad kog pinaahat ug murag feeling nako nakapuno sa akong self-esteem ug self-confidence, pero feeling ra jud na nako ha ug tinuod sad nga nalipay jud ko sa pagdayeg niya nga nindot daw akong iningles, wala sad nko giconsider if atik2 raba tong iyaha basta nalipay jud ko kysa mgcge kog huna2 atong problema nga dili na jd mabalik pa.

Ikatulo nga tabang s Steemit nko mao ang pagbaton ug knowledge s mga terminologies nga sa sinugdanan moingon kog hala oi, unsa ma na cla, mga abat, wak2 or ungo na? Dili lang jud ko maulaw ha, pastilan wla jd tawn ko kabalo ug unsa ng bitcoin, cryptocurrency, etc. kutob ra jd kog peso pero at least bsan wla koy gkuptan nga dollars kabalo ko ana nya, lol. Pun an pas utopian, cgeg hisgot akong mga kauban nga steemians pod anang SBD, bsta mgkapundok na cla dli na jd ko karelate. Dako kau kog pasalamat nga naconvince jd ko nla nga moapil sa Steemit. Ug sa kaduha nakong apil ug meet ups, pagkanindot nga dghan tag makaila, salamat ninyong tanan.

Dako

Dako kinig natabang sa pinansyal nga aspeto. Nindot huna-hunaon nga aduna akoy makuha human sa mga gipatik nako dinhi sa Steemit.

Gahi

Nagkagahi ang akong pagtoo sa akong kaugalingon. Sauna, wala koy kumpyansa sa akong kaugalingon, sa akong talento, ug sa akong abilidad. Apan giusab kini sa Steemit.

Lami

Nagkalami na karon ang akong mga gipatik sa Steemit. Sauna, walay lamian sa akong mga sinuwat sa akong mga balak ug uban pa, apan dinhi sa Steemit nabantayan sa mga taw nga aduna diay koy ikabuga sa daghang mga butang.

Burot

Mas niburot pa o mas nidaghan pa ang akong mga kaila. Ilabi na gayod nga andam ko moapil sa mga tapok-tapok sa mga sugbuanong Steemian.

Dako, Lami, Gahi, Burot ang gihimo sa Steemit sa akoa.!!!

Loading...

Coin Marketplace

STEEM 0.35
TRX 0.12
JST 0.040
BTC 70597.89
ETH 3559.60
USDT 1.00
SBD 4.77