Filipino Poetry -- Alaala ni @jennybeans

Nagising ako sa kalagitnaan ng gabi
Naliligo sa sariling pawis at atubili
Ang puso ko'y sobrang bilis ang pintig
Puting kisame sa aki'y nakatitig

Nag-uunahang umagos ang mga luha sa aking mata
Kasabay ang malakas kong pagsigaw na "Tama Na!"
Bangungot ng kahapo'y bumabalik na naman
At kanyang munting larawan ang naglalaro sa aking isipan

Matagal na kitang kinalimutan
Ibinaon ko na sa limot ang ating nakaraan
Akala ko lang pala yon
Dahil ikaw parin ang nasa puso ko hanggang ngayon

Alam ko ako ang may kasalanan
Kung ba't nauwi sa ganito ang ating pag-iibigan
Dahil sa pagkakataong ito hindi ikaw ang lumisan
Kundi ako, ako ang sayo'y nang-iwan

Pero masisisi mo ba ako?
Pagod na ako sa kakapakinig ng mga paliwanag mo
Pagod na akong makipagkompetensya sa trabaho mo
At lalong pagod na pagod na ako sayo

Ngunit ako'y nawindang sa balitang narinig
Para bang binuhasan ako ng malamig na tubig
Ikaw ay natagpuang patay na't may lubid sa leeg
Nag pakamatay ka nang dahil lang sa bigong pag-ibig?

Kung nasan kaman ngayon
Hangad ko ang iyong kapatawaran
At sana ako'y iyo nang tuluyang lubayan
Takot ako sa patay, alam mo yan 😜

Paalam na dating kasintahan
Paalam na

Dapat ito ay gagawin kong Spoken Word Poetry kaso nung napakinggan ko na ng buo parang hindi talaga siya pasok na pang spoken word eh kaya inilathala ko na lang bilang simpleng tula. 😊😊😊 Pero goal ko talagang mag spoken word siguro magagawa ko lamang yun kapag ka nakabuo ako ng medyo maganda gandang piyesa. 😂😂