Hikayat Muda Seudang, Pt. 14; Nanggroe Ujoung Utara
Seumbahyang limong wajeeb ta pubuet
Meunan watee beut hukom geu surah
Adak pih di blang leupah that le buet
Hana haleue buet wab tinggai shalah
Laju geu riwang nyak Muda Seudang
Peudong seumbahyang si goh abeih masa
Rateb han tinggai 'oh lheuh sembahyang
Lheuh nyan geu dindang seulaweut teuma
Jaroe dua blah geu bet ngon munajat
Peusampoe hajat bak Allah rabbuna
Doa beuseulamat donya ngon akhirat
Bek sampoe sisat lam padang mahsya
Siat teuma geumeusu di ummi
Jak pajoh khanduri si alakada
Adak teumon bu chit tok ngon teurasi
Seunaguen ummi hana pat tuka
Seulala mata wab mata uroe
Pout angen dudoe leupi geurasa
'Oh lheuh pajoh bu poma geu pujoe
Lazat that lagoe teurasi lon rasa
Teuseunyom poma geu kalon aneuekda
Sineuek peurmata di dalam donya
Peu na ta teupue wahee nyak Muda
Masalah aneuekda sang na peunawa
Beuklam teuingat 'oh lheueh tahajjud
Guree apa nek cut di nanggroe utara
Ureueng geuh malem kon bacut-bacut
Teumpat meununtut para umara
Gobnyan hana le ka geu tinggai donya
Keuneubah geuh dumna bak murid seureuta
Kitab geu karang ji thee le donya
Seugala rahsia ka geu surah ceurita
Nyak Muda Seudang bingong hana ban
Peu ka geu saran di ummi teuma
Watee geu rika kureung pah paban
Hana hubongan ngon keunari tujoh rupa
Adak pih meunan geu bantah hana
Haba di poma sabe geu pateh
Geutanyong saja alamat nama
Nanggroe utara rhot toh ta reunteh
Ulon han tom udep meurantoe
Hana lon tuhoe nanggroe utara
Adak pih haba kayem lon deungoe
Raja geutanyoe di sideh meusinggasana
Siat hai aneuek geuseu-oet poma
Lon tamong kama bah mak nyang tuleh
Sambee mak cok meu sikrak ija
Seunalen gata jeut mak seumileh
Ummi geu tamong u dalam kama
Geu siap seudia keu intan payoung
Saboh sileuweu balek suja
Dua krak ija warna lambayoung
Saboh teuk sileuweue meusulam bambang
Keuneubah cut bang masa youh udep
Dua boh bajee itam keu Muda Seudang
Syarat meulanglang meulambang udep
Bek tuwoe neubaca chit ata awai mangat meuho uram ngon ikue;
- Bhah lhee blah Tujoh Uroe Tujoh Malam
- Bhah dua blah Nasehat Poma
- Bhah siblah Senue
- Bhah Siploh Keunari Tujoh Rupa
- Bhah sikureueng Syarat Nikah
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Memang pencinta literature....ingat lon dosen kamo pak bukhari (ka tuwo titel), mnye hana salah s3 amerika, tapi mnye masalah seni aceh sep get tingat geuh manteng. Pdhai ckop treb dilua nanggroe dari semenjak s2
Alhamdulillah meunyoe mantong na ureueng lagee nyan. Ka langka barang.
Seudaya upaya lon ci peumaju lom keuneubah indatu, geubantu le rakan2 laen.
Syukor that meunyoe bak steemit na ji bouh yum bacut.
Sebetoi jih atra nyan ckop meuhai, cuma geutanyoe kekurangan wadah untuk ta ekspresikan ata nyan
Kiban ta peugot teuma, meunurot jameun lagee nyoe rupa
adak pih istilah kata, jameun jman now, asai atra droe
ttp atra droe, bek mtuka raba, yg ka tatanom saboh adt teuh, msalh bk khanduri, jino ka adat prancih, adt droe teuh ka ta keu ih
soe salh nyan?
Pakon ticem hana karu su
Sebab si bungsu tengoh ngon dara
Dara yang tari intat bak tungku
Mangat na bekai meuhudep sejahtera
Nyan cok sineuk😂😂😂😂😂
Leupah that tari haba neu suson
Sang dara duson woe jak beulanja
Adak lon teupue nyak pupu jeut meupanton
Lon pakat meurukon bak #pehtem @cicisaja
Hai @lamkote! Kami sudah resteem ke 7741 follower ya.. Byteball tebar hadiah. Segera klaim airdrop anda!. (Sebutir kontribusi kami sebagai witness untuk komunitas Steemit berbahasa Indonesia.)