Hikayat Muda Seudang, Pt. 16; Jangeuen Asmara
Meusaneut udep badan teuh sihat
Meusampoe hajat sep syarat useuha
Meunan keuh wasiet guree nasihat
Seubagoe ubat ngon ta cok donya
Muda Seudang geuneuek jak rihat
Meureubah siat di dalam kama
Jangeuen meu ayoun ka sahoe sapat
Kiban nubuwat ukeue trouh teuma
Pikeran meucawoe sigo go ji lumpat
Lagee ta sukat udeueng lam raga
Geu peu pet mata hatee ka meu ikat
Brat that teu ingat syarat peuneuba
Hatee meu pake ngon akai sihat
Peu keuh meusapat alam meujeumba
Ta harap pade hasee breueh leukat
Beu lagee pakat bek meutuka kada
Han tom na geurasa sampoe inohat
Rihoun meukeumat keu bungong jeumpa
Sabe teujaga udep lam nasihat
Han tom na likat lagee nyoe rupa
Geu eh bak peuratah seunue hana pat
Sang bak lampoh jrat geu rasa raga
Pakon keuh meunoe wahee e jasat
Get that meuleukat keu jangeuen asmara
Allahu rabbi nyang peusampoe hajat
Pakon keuh meukeumat lagee nyoe rupa
Hana lon meuphoum seubab akibat
Bak Allah sipat meuharap karunia
Neu bri ya Allah udep beureukat
Meusampoe hajat meurumoh tangga
Beu jioh bala ngon segala laknat
Udep lam rahmat ridha rabbana
Bek tuwoe neubaca chit ata awai mangat meuho uram ngon ikue;
- Bhah limong blah Reuncana Keulana
- Bhah peut blah Nanggroe Ujong Utara
- Bhah lhee blah Tujoh Uroe Tujoh Malam
- Bhah dua blah Nasehat Poma
- Bhah siblah Senue
- Bhah Siploh Keunari Tujoh Rupa
- Bhah sikureueng Syarat Nikah
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Braat jatuh cintring aneuk muda
Teungeut han jaga koen
Srah drou bak Allah po langet donya
Miseu ka judo teuntee leupah keu droen
Hahahaha, biasa nyan aneuek muda han tom barokon dirasa. Asai keu haleue jineuek meunikah ya mantong sah2 saja, yang peunteng hana meucukis ujoung jaroe
Bereih... beu hayeu calitra lam perjalan mita kenari 7 rupa, gura that peuneuba bungong jeumpa nyan... sang koen keuhendak drou geuh
Hahahaha, meunyoe ta peuget hayeu, ta takot panyang that pakri dilee
Panyang bacut.. miseu ta baca sigoe maseng2 masa umue.. 24-30 bareh syit 3 minet sagai.