Bak Steemit Nyo Tanyo Beusaba

in #steemit6 years ago

workk.jpg
Asai Gamba: http://time.com/3491392/work-life-balance-is-having-a-moment-but-for-the-wrong-reasons/

Malamnyo Tuwanku nak ceuramah bacut. Bacut sagai. Hana panyang-panyang. Sabab maken panyang tapeugah enteuk gata maken mumang. Teuman kon hana faedah hek tapeugah haba meunyo akhejih gata mumang. Meuno nah, nyo kapadup ge Tuwanku calitra peukara nyo. Tapi Tuwanku kalon hana diparati le padup-padup dro rakyat stimit. Awaknyan mantong lage sot. Hana ubah-ubah akai.

Bak stimitnyo tugah gata nakeuh useuha ubebena daya. Ubebe mampu. Meunyo gata peurle phot bak gop maka digata pih beujeumot taphot gop. Teuman kalheuh taphot gop sabe-sabe hana dibalah phot kakeuh tasaba. Tamita cara laen. Salah saboh cara nakeuh gata mita rakan beurame. Awai kon kalheuh Tuwanku peugah, gata pakat rakan-rakan laen tamong stimit bah rame. Gata pakat pak keuchik, tuha peut, tuha lapan, teungku imum, kepala duson dan laen-laen lom nak rame yang phot gata.

Lheuhnyan lom, nyan awak raya panyang bak stimit tameurakan bek tamita lawan. Teuman cara meurakan beujroh-jroh mantong, bek sampe neujak komen broeh putoeh sampo muntah awaknyan. Na cara asai tatem mita.

Cara laen lom nak meurumpok phot ya neuboeh pangkai. Jino yum stim teungoh murah bacut. Aci blo laju beujai neu pawer ap. Nak tiga bacut stim pawe gata. Ban kateuga stim pawe gata jeut phot dro keudro.

Lheuhnyan saboh teuk cara. Gata blo Robot. Neujak laju u pasa Robot bak steembotracker, hinan dum teungku-teungku robot. Neu sogok bacut neuyu phot ata gata. Jadi mudah that asai tatem.

workkkk.png
Asai Gamba: https://libcom.org/library/get-rid-work-gilles-dauve

Jadi bak stimit nyo bek kiroh-kiroh. Bek karu-karu. Bek kheun keugop. Beuk jak teunak po nyo po jeh gara-gara hana diphot ata gata. Seulow mantong lage Tuwanku.

Nyan meunan dile peunutoeh nibak Tuwanku. Neu cep-cep, bek neu 'uet laju.

Coin Marketplace

STEEM 0.35
TRX 0.12
JST 0.040
BTC 70351.33
ETH 3563.43
USDT 1.00
SBD 4.72