Bir qızın rəsm sevdası.

Qızımın rəsm sevdası haqqında demişdim. Əslində bu sevdanın tarixi onun lap balacalığına gedib çıxır. Deməli, iki qızımın arasında 2 yaş fərq var. Aralarında ananı bölüşdürə bilməmək ədavəti vardı əvvəllər. Qısqanclıq deyək. Yadımdadı, kiçik qızım beşikdə yatmışdı. Birdən gördüm ki, böyük qızım əlində qələm bacısının üzərinə əyilib. Məni görüb çəkildi. " Ana, ağını yazmırdım ki, qarasını yazacaqdım"- deyir. Deməli , bacısının gözünün gözünün qarasına nə isə çəkmək istəyirmiş:) Daha sonralar bir müddət başqa şəhərdə yaşamalı olduq. Ev kirayələmişdik. Ev sahibi çox tələbkar, hər şeyə qarışan bir adam idi. Bir gün mətbəxdə yemək hazırlamaqla məşğul idim. Salona keçəndə dəhşətdən donub qaldım. Qızım dodaq boyası ilə divarlarda " sənət əsərləri" yaratmışdı. Sonuc o oldu ki, ev sahibi bizi o evdən qovdu:)
Qızım artıq böyüyüb. Rəsm çəkməyi çox sevir. Yox, daha divarları yazmır. Gələcəyini rəssamlıqda görür. Mən də onu bir rəssam kimi görürəm. Bəli, o çəkməyi sevir, mən də o şəkilləri paylaşmağı.😊Məsələn, bu şəkil. Birinci şəkli qızım çəkib, koyu rəngli olanı. İkinci şəkil orjinaldı. Məncə , oxşadıb. Bu şəkildə isə ikinci rəsm qızıma məxsusdu. Orjinal rəsmdəki qız daha aqressiv və çox kızgındı. Baxışları od püskürür. Mənim qızım onu bir az sakitləşdirib. Çünki özü də təbiətcə sakitdi😘