Bahut samay ke baad booster pack liya

Hello Dosto, Aaj bahut dino ke baad booster pack liya hai. Iss se pahle 2 baar maine booster pack liya tha lekin aaj socha chalo try kar ke dekhte hai kya milta hai. Fir aap sab log dekh sakte ho ki mujhe kya mila hai. Iss ko kharidne me mujhe $2 lage lekin sala jo card aaya hai uske bechne ke baad sirf $1.50 tak hi bana hai. Iss hisaab se mujhe $0.50 ka loss hua hai. Main itna lucky nahi hoon ki koi badhiya card mile. 

Pahle bhi 2 baar liya hai usme shuru wala me to mujhe kewal $0.30 ke value ka hi card mila tha. Mujhe bada gussa aaya tha lekin ab kya kar sakte hai jo mila hai usi me sabar karna tha. Fir maine socha ki ab kabhi booster pack nahi lunga market se hi card kharid lunga. Lekin fir baad me socha chalo ek baar aur try kar ke dekhte hai aur uss time fir mujhe $1 ki value ki card mile. 

Uske baad maine soch liya ki ab nahi lunga main booster pack. Lekin fir aaj maine booster pack liya. Socha chalo ek baar fir se try karte hai chalo iss baar shukar hai ki sirf $0.50 ka hi nuksaan hua hai. Waise main paisa jama kar raha ek hi baar me $1000 ka booster pack lunga. Usme mujhe 75 pack free milenge isliye main wo wala lena chahta hoon aur sayad isi mahine ke akhri tak le bhi lunga. 

Quest me aaj mujhe 6 rare card mile hai sab badhiya badhiya. 

Aaj quest me dekh sakte ho aap log 14 card mila hai mujhe kyo ki kaafi aage aa gaya hoon main isliye itna jyada card mila hai. Abhi champian me nahi pahucha hoon sayad akhri akhri tak pahuch paaunga. Lekin afsos ki baat hai ki top 50 me nahi aa paaunga. 

Khair iss mahine ki akhri me main 500 booster pack lunga usme badhiya badhiya card to bhaiyya milega hi. Kya bolte ho aap log milega ki nahi milega? Sab ko milta hai yaar iss hisaab se mujhe bhi milna chahye. Maine to ye bhi socha hai ki portion lunga lekin yaar DEC ka bhi sala rate badhta jaa raha hai ab dekho le paata hoon ki nahi le paata hoon.