Saare monsters mehnge kyo hote jaa rahe hai

Hello Dosto, Aap dekh rahe ho card kam ho gaya hai aur jo hai wo bahut mehnge me bik rahe hai. Aise me booster pack lena bahut hi sahi rahega jiss ke pass pass paisa hai wo booster pack le le to fir achha paisa bana sakta hai card ko bech kar ke. Aur agar legendary summoner mil gaya bhaiyya to fir aur chahye kya jindagi me. Koi card bech hi nahi raha aur lene waale hazaar baithe hai. Selenia kuch din pahle $5 ka tha aur aaj sala $12-13 me bik raha hai. 

Ye iss bande ko dekho ye khopdi kuch din pahle maine $1 me becha hai aur aaj jab mujhe kharidna hai to ye banda $4+ me bik raha hai. Pata nahi akhir aisa mere saath hi kyo ho raha hai yaar kyo itna mehnga me bik rahe hai saare card. Jab mujhe lena hai isliye sab mehnga ho gaye hai pahle to itna mehnga nahi they. Abhi steem ka bhi rate kam ho gaya hai. Batao jab card lena hai to steem ka bhi rate kam hota jaa raha hai. 

Ye prince rennyn to bhaiyya $40 ka mil raha hai aap hi batao yaar itna jyada rate achha lagta hai kya yaar. Sala jab $26 ka tha tab maine liya nahi aur ab dekho iss ka rate badhte hi jaa raha hai.  Bahut dukh ki baat hai bhai lekin ab kar bhi kya sakte hai. Waise jiss ke pass card hai uske liye to bahut sukh ki baat hai wo banda kaafi khush hoga lekin main dukhi hoon na. 

Kyo ki mujhe card lena tha lekin yaha to sala card itne mehnge ho gaye hai ki kya batau. Main socha tha top 50 me aaunga lekin ab to bhai top 100 me bhi aa jaau wahi bahut hai usi me mujhe lag raha hai nahi aa paaunga. Abhi to main 96 me hoon lekin abhi bahut se bande khel nahi rahe jab last last din aata hai tab khelte hai aur fir unse jeetna asaan nahi hoga. 

Pata nahi top 50 me aane ke laayak kabhi banunga yaar main. Bas ye selenia mil jaaye to bhai aur kuch nahi chahye ye rahegi to araam se jeet jaaunga lekin abhi ye hai nahi isliye aisa haal ho gaya hai. Koi baat nahi jald hi main kharid lunga. Mere pass 6 card hai baaki 5 aur kharidna hai bas aur kya fir maja aayega. 

Ab dekhiye mere aaj ke quest me mile huye card. Saare card thik hi mile hai aur sab mujhe thik lage hai. 

Sort:  

You got a 87.76% upvote from @minnowvotes courtesy of @mahtabansari370!

Coin Marketplace

STEEM 0.35
TRX 0.12
JST 0.040
BTC 70733.96
ETH 3563.16
USDT 1.00
SBD 4.76