Kajadeh Meuramah
Asai gamba kuran serambi
Tuwanku baca kuran buno beungoh, Guvernor geutanyo kajadeh diramah le kapeka. Kadipeusoek baje kuning. Kapayah tingga di Jawakarta dile siat. Hanjeut woe u nanggroe.
Rame aneuk nanggro nyang seudeh, tapi rame sit yang galak raya meubahgia. Nyan keuh meunan pukateun awak geutanyo. Wate jaya diseubo, wate pengpho dijak saboh saho. Hanale dipadoli.
Nyan keuh masa taklik sidro lam cintra beuso, hana so pako. Mandum rakan lam geutik ka dijak blah drojih. Dipike keu droe jih. Hana pat talake bantu, sabab geutanyo ka cilaka.
Asai gamba kuran serambi
Meunyo kalage nyo baro teu ingat keu salah droe. Baroken wate dipeu ingat han tadeungo tapeuklo peuklo dro. Ureung peu ingat pih tateunak meuasalop.
Jino kagadoh teukeusy'ak. Eumbong baroken hanale guna. Payah ta moe ba e sidro lam seupot klam. Hanale awak setia jak saweu raja. Sabab ka meutumpok lam sagoe.
Parte lih punggong kahanale tatuho kiblat. Ka dijak lam pageu. Sabab ka abeh peurle ngon raja. Maka geu peu ingat, bek kapeulhara tukang lih leubo, sabab awaknyan dimita mangat sagai, lheuh nyan dipeutak dikeubah tanyo sidro.
Kakeuh meunan. Klik laju beuraya. Di Tuwanku pih hana pat bantu. Sabab silapeh nyan peulajaran keu gata. Kalheuh geupeu ingat le ureung tuha, bek galak seurapa sabab tanyo papa.
Tapi han kadeungo. Kakeuh karasa.
Tapi adak pih meunan, Tuwanku meudoa bak Po Sidro, beugeupeuseulamat gata. Beusehat, beu bagah geupuwo lage awai mula.
Posted from my blog with SteemPress : http://mitapeng.com/kajadeh-meuramah/