Word Poetry Challenge #12 : KALAYAAN

KALAYAAN

Buong akala ko mahal mo 'ko
Sabi mo mahalaga ako sa buhay mo
Pero biglang gumuho aking mundo
No'ng nagpatulong kang manligaw sa kaibigan ko

---

Ngunit ang sabi ng damdamin
Ikaw lang ang s'yang mamahalin
Kahit iba pa ang nais mong iibigin
At kaibigan lang ang turing mo sa'kin

---

Kaso nakita kong masaya ka sa piling niya
Anong magagawa ko, kaibigan lang pala kita
Normal lang akong nakatingin sa inyo
Kahit nadudurog na ang puso ko

---

Gabi-gabi ikaw lagi ang nasa isip ko
Paano kaya kung naging tayo
Hindi sana ako nasasaktan ng ganito
Pero nagpakatanga ako para lang sayo

---

Ngayon ibibigay ko na ang iyong kalayaan
Kahit ako'y lubos na nasasaktan
Di alintana ang sakit na nararamdaman
Hangad ko pa rin ang 'yong kaligayan

---

Kaya bibitiwan na kita
Gusto ko ng palayain ka
Hayaan sa iyong ikakasaya
Pero tandaan mo "mahal pa rin kita"

---

Muli, ako po ay lubos na nagpapasalamat sa lahat ng mga steemians na tumatangkilik at sumali sa patimpalak na binuo ni Ginoong @jassennessaj. At taos puso din po akong nagpapasalamat sa lahat ng walang sawang suporta na ibinigay ninyo sa aking mga akda. Hanggang sa muli...