Naatasan maging isang Hurado

Dibdib ko'y magkahalong tensyon at kaba ang nararamdaman
Nang matanggap ko, imbitasyon galing sa isang bagong kaibigan
Imbitasyon na ni minsan hindi ko naranasan
Pangyayari sa buhay kong di malilimutan

---

Mensahi'ng galing sa kagalang-galang na Ginoo
Imbitasyon mong ako'y gawing hurado
Talagang ako'y nasiyahan sa pasya mo
Subali't di ko mawari ang nararamdaman ng puso ko

---

Isang kagalakan na ako'y iyong napili
Pagiging hurado, di man ganito kadali
Pagsisikapan ko, nang sa iyo'y makabawi
Tiwala mo di sasayangin kahit kunti

---

Masusing pagbabasa ay kinakailangan
Nang sa ganoon akda ay maiintindihan
Kailangan tumatagos sa puso at isipan
Kahit ito'y hango sa totoong buhay o likhang isip lamang

---

Iilang akda palang ang aking nabasa
Oras nang pagdedesisyon ay palapit na
Ngayon palang ako'y hirap na hirap na
Utak at puso ko'y halos mabibiyak na

---

Bawat akdang nilalahok ay sadyang magaganda
Labanan sa paligsahan ay magkadikit na
Ilang araw nalang ang natitira
Kaya kayong wala pa, magsumite na

---

Dahil sa darating na araw ng pagpapasya
Baka di mo akalaing ikaw na
At isa sa nananabik ng sagot sa katanungan na
Sino kaya ang bukod tanging karapat dapat sa korona?

---