Snack Time

ඉතින් ඔන්න මම අද කියන්න යන්නේ මම හදලා බලපු රසම රස කෑමක් හදාගත්තු විදිහ ගැනැයි. ටික් ටොක් video එකකින් තමයි මම මේක හදන විදිහ දැනගත්තේ. ඇත්තටම මේකට කියන හරිම නමක් නම් දන්නේ නෑ. ඉතින් මම මේකට මට කැමති නමක් දාගත්තා. නම තමයි bread and sausage rolls. මම හිතන්නේ ඒ නම මේ කෑමට හොඳටම ගැලපෙනවා කියලා. ඉතින් මෙන්න මෙහෙමයි මේක අපි හදාගන්නේ. ඇත්තටම හරිම ලේසියි මේක හදන්න.

මුලින්ම Sausages ටික අරගෙන කැලි 2 කට වෙන්න කපා ගන්න. ඊට පස්සේ විනාඩි කිහිපයක් මේක තම්බගන්න. මේක තැම්බෙන අතරතුරේදිම ඉතුරු වැඩ ටික ඔයාලට කරගන්න පුලුවන්. පාන් පෙති අරගෙන ඒවගෙ වටේ කෑලි ටික කපලා අයින් කරගන්න. ඊට පස්සේ rolling pin එකක් ආදාරයෙන් මේ පාන් පෙති ටික හොඳට තුනී කරගන්න. මේ ටික කරගෙන ඉවර වෙද්දී නම් Sausages ටික තැම්බිලා ඇති. එකා දැන් ලිපෙන් බාගන්න.

දැන් පොඩි භාජනයක් අරගෙන ඒකට බිත්තර 2ක් වගේ කඩලා හොදින් මිශ්‍ර කරගන්න. තවත් භාජනයක් අරගෙන ඒකට බිස්කට් කුඩු ටිකක් දාගෙන තියාගන්න. දැන් පාන් පෙත්තක් අරගෙන ඒක වටේට බිතතර සාරු ගාගන්න. දැන් මේ පාන් පෙත්ත උඩින් Cheese slices එකක් තියගන්න. ඒකටත් උඩින් තම්බගත්තු Sausages කෑල්ලක් තියාගන්න. එක කෙලවරක ඉදන් රෝල් කරගන්න. දැන් දෙපත්ත පොඩ්ඩක් අතින් නමලා ලස්සනට roll එකක හැඩය එන්න හදාග්නා.

මේ වෙද්දි අපි මේකෙ අමාරුම කොටස කරල ඉවරයි. දැන් තියෙන්නෙ අපි කවුරුත් දන්න පියවර ටික. සාමාන්‍ය roll එකක් හදන්වා වගේ අපි මේ හදාගත්තු roll ටික බිත්තර සාරු වල ගාවලා බිස්කට් කුඩු වල දවටගන්න. දැන් මේ ටික ලස්සන රන්වන් පාට එන්කල් බැඳගන්න තමයි තියෙන්නෙ.

දැන් ඉතින් තියෙන්නෙ කවුරුත් ආසම කොටස. කැමති dipping එකක් එක්ක රස බලන්න තියෙන්නේ දැන්. ඔයාලත් හදලා බලලා කියන්න කොහොමද රස කියලා.