TGK Ahmad Dewi

Sidroe ulama peranan gagah,
Beuheu ngon ceudah bela agama,
Jinoe digob nyan kageuwoe bak Allah,
Syiruga neupeuhah keu yang mulia

Na ulon baca dalam seurambi
Kisah teungku Ahmad Dewi sidro 'ulama
Digopnyan lahee sideh di idi
Yoh goh D.I.T.I bak thon 51

Thoen sikureung sa buleun peut tanggai lhee
Teupat jeum poh lhee gopnyan geubungka
Karna troeh surat sideh bak aduen
Di dalam uteun ka jitheun lee teuntra

Nan aduen gopnyan Teungku Mukhsinullah
Jipeugah ka salah peunikah GPK
Wate nyan Teungku langsoeng beurangkat
Geupiyoh siat bak keuluarga

Geupakek moto milek haji Amri
Supeer bang Safari watee nyan geuba
Geupakat rakan Teungku Asnawi
Jaroe ngen gaki di gopnyan ceudra

Neutinggai dayah beserta santri
Neutinggai ummy serta aneuknda
Aneuk yangg tuha nan Fattahillah
Watenyan geu jak sikilula SD bak glah sa

Aneuk keu dua nan Fatimah Dewi
Mantong ngen ummy meusuka ria
'Abdul 'aziz nibak masa nyan
Dalam kandongan galom na udonya

Ban lahe aziz wate masanyan
Yatim aneuk nyan sayang leumpah na
Ban rayeuk bacut abdul aziz nyan
Carong aneuk nyan bak peugah haba

Jitanyong ayah bak ummy watenyan
Ho ayah teuman hana geukalon aneuknda
Peukeuh ayah loen jino hana lee
Pakon jeut sampe gadoh di mata

Neusuot ummy langsong oeh lheuh nyan
Aneuk lon sayang ayah ka jicok lee tentra
Jino ee aneuk ayah hana geuwoe lee
Tameudo'a sabe wahe aneuknda..

Alfatihah keu Tgk Ahmad Dewi