Han ek mak bloe asoe, poma bloe gapah..
Yang peunteng hy Nyak, beu kateume rasa...
Peng lhei ploeh ribe, nyoe pat mak kubah..
Peng jaktung upah, bak ureung kaya..

Kasaba hai nyak, hate beu tabah...
Bek ka peu gundah, hai bijeh mata...
Ayah geu tanyoe, geu woe bak allah..
Tanyoe geu keu bah, hana soe kira...

Masa ubit kah, aneuk geu keu bah...
Masa kah mirah, mantong balita...
Meu noe keuh nasib, aneuk meu tuwah..
Oh tanle ayah, tanyo menderita...

Ikah kayatim, aneuk meu tuwah...
Hate meu darah, jantong hate ma..
Adak na wareh, aneuk meu tuwah..
Hana pat peu gah, ji tulong hana...

Wareh ngon kaom, mandum peu si blah..
Aneuk meu tuwah, hana ji niet na..
Dakna pemimpin, pih saban ulah...
Geu pandang si blah, mentui hana ma.

Pue lom yang yatim, meu nyoe hana yah..
Hudeb thad susah, dalam meu rana...
Lon lakwi meuah, haba lon peu gah..
Hana dube drah, ulon peu suna...

Nibak uroe nyoe, jeut keu noe langkah..
Hana meu kuwah, mak meugang teuka..
Deu ngon ie mata, meu bu tan kuwah..
Ngon aneuk mirah, hana veu lanja..

But uroe uroe dikamoe, meu jak tung upah..
Lon jak seu meu rah, bak ureung kaya..
Nyan keuh soe bantu, kira nafakah...
Keu susu si mirah, ka ulon mita...

---

Follow Me @sl94