Ulee Peuneuwoe
Ranup lam karang geunaseh putroe
Ulee peunewoe intat linto muda
Saleum nibak phoen loen peusampoe
Ngen maksud loen nyoe neuk ci seumapa
Assalamualaikum poe Teungku bisan
Kamoe rombongan keunoe ka tiba
Meunan chit adat ka kamoe peutimang
Keu asoe talam keunoe kamoe ba
Nibak uroe nyoe Han kamoe peudeuh karah ngen timphan
han meu peukaram peunewoe si dara
dari jioh kamoe troh datang
dengon tujuan intat linto muda
Ngen ija kuneng kamoe top talam
mangat bek deuh trang peu nyang kamoe ba
Menyoe keu boh U na Bitmat nyang gulam
chit ka meunoe reusam kamoe di desa
Adat ngen Hukom uroe nyoe sama tapeutimang
Qanun ngen Reusam beu sama ta jaga
kamoe nyang katroh neusambot rijang
payong tapeukeumang laju ta tuka
Haba meubalek titek loen gantoe
alat peuneuwoe nyan laju neu buka
meuah meulakee kadang tan asoe
gasien that kamoe meusapeu hana
Mungken di dalam saka sikilo
kon atra geubloe ureung nyoe atra saudara ba
teuma ka adat nibak geutanyoe
ngat bek soh jaroe uroe nyoe aneuk woe bak Ma
Neu izin laju peupiyoh kamoe
suum that uroe meu dong di luwa
jeh abang Tefu cukop deuk ka dari bunoe
Meuheut that sie leumoe han ek le saba
Oman gethat lagak panton, kata get meurok lagak mesuson. Wahe cut ampon panton droneh lumboi sa.
Kamo na mepeugot acara lomba panton. Menyo hana sapeu halangan jeut ne ikot
Hai geulantoe loen jok ranup ngen pisang
Geulantoe loen idang peunajoh raja
Cuma nyan keuh nyang jeut loen tuan karang
Sekedar hiburan lam donya maya
Meunyoe keu leumak teunte na santan
Bak aneuk bawang panee na rasa
Meunyoe keu lagak kon nyan karangan
Mantong le atra pawang nyang lebeh bak dewa
UNTUk informasi lomba jeut nekalon bak akun ulon tuan @sogata. Jak ta peubedeh adat aceh sama sama gure hhhh