Gas agency kholne ka mauka
Hello Dosto, Gas agency mil gayi to samjho rojgaar ka ek achha jariya mil gaya. Dusra business ke baare me aap ko sochna bhi nahi padega. Aap isi se mast kamayi kar loge. Iss se pahle bhi maine aap ko gas agency ke baare me bataya hai lekin aaj aap ko dusre gas agency ke baare me bataunga. Agar aap ko bhi gas agency lena hai ya fir aap iss me interest rakhte ho to aap ko meri ye post jarur padhni chahye.
Gas company ne agency ke liye awedan maange hai aur iss se achha mauka aap ko mil nahi sakta hai. Aaj kal sabhi gaon me mohalle me adhiktar log gas ka hi istemaal karne lage hai. Pahle mere ghar me koyla ka chulha jalta tha jab main chota tha tab lekin ab mere ghar me bhi gas me khana banta hai aur mere gaaon me bhi adhiktar log gas me hi khana banaate hai. Aap ko pata hai 8 state me 92 agency ke liye awedan maange gaye hai.
Kitna lagega paise gas agency ke liye
Dosto agar aap ko gas agency lena hai to iss me aap ko 3-4 lakh rupya lagana hoga. Aap ko security ke tor par ye amount jama karna padta hai. Wo aap ko gas denge tanki denge uska security ke liye kuch to lenge na bhai aur aaj kal sabhi business me paisa to lagta hi hai to isi tarah iss me bhi aap ka paisa lagega hi aur jyada nahi security ke tor par 4 lakh tak lag sakta hai.
8 state me maange hai awedan
Kul mila kar 8 rajyo me awedan maange gaye hai aise me aap ka rajy me maanga gaya hai awedan ki nahi aap niche diye link me dekh sakte hai. Sab se jyada Madhya Pradesh me maange gaye hai. Waha pe 52 agency gas agency khulne waali hai agar aap waha ke hai to aap ke liye achhi baat hai.
Yaha se aap dekh sakte hai ki aur kon kon se rajy aur village hai jaha awedan maange gaye hai.
https://www.lpgvitarakchayan.in/advertisement-list.php
Kaise karna hoga apply
Ab aayi baat ki aap iss gas agency ke liye awedan kaise kar sakte hai. Ye koi mushkil kaam nahi hai aap online hi awedan kar sakte hai. www.lpgvitarakchayan.in Sab se pahle aap ko iss website par jaana hai aur signup karna hai. Uske baad login karna hai aur uske baad upar jo maine link diya hai na uss par click kar ke apka kon sa village hai kaha ke liye aap apply karna chahte hai us par click karna hai aur aage badhte jaana hai.
Dosto jitna mujhe aata tha maine aap ko bata diya. Baaki aap uss site me jaa ke khud hi check kar sakte hai. Gas agency ka mauka haath se jaane na de yaha se aap ko achhi kamayi hogi dusra business karna nahi padega aap ko.