Panton Aceh || KUPIE
Aneuk tiwah ateuh bak sukon
Ateuh bak lason na tiyong dara
Mula phon haba Assalamu`alaikom
Wareh ngon kawom bandum lon sapa
Ideh di pasi riyeuk meu aron
Kayee ijo on sideh lam rimba
Ulon bri haba di dalam panton
Langsong di ulon peuget calitra
Ateuh bak langsat ulat meu ayon
Meu ek ngon meutron angen peudoda
Nyoe sastra Aceh bereh beu muphom
Wahe e kawom cara meurika
Memang di aceh leu that keude kupi
Bak keude nyak Ali mandum meusapat
Uroe ngen malam Urueng ula ili
Bak geu jep KUPIE gaki geu lipat
Ureung pip rukok keu tumpang bibi
Urueng jep kupie keu tumpang mata
Ta boeh saka keu mameh pasti
Nyan ie kupie cukop merasa
Yang leupah gura di cut bag adi
Bak geu jep kupie meu blek2 mata
Hana geu kira peu yg terjadi
Di sampeng yah Li hana geu peutaba
Yang leubeh gura loem na bg nawi
Wate jep kupie get that meurasa
Teuma dalam keh peng tan meu sitali
Ka geuyue kali peu ek bon teuma
Meunyo tapeugah keu bhah ie kupi
Kajeut keu tradisi di aceh raya
Ban jaga teugeut pih ingat keu kupi
Malam ngen hari ta eu that gura
Haba cet langet bak keude kupi
Sang sang hay akhi hayeu leupah na
Ku cang begana kucang begini
Macam terjadi di aceh raya
Kajeut keuh oeh noe ulon meurawi
Nyoe ata asli bak lon calitra
Salam'alaikom wahe tgk abi
Singeh keulai tanyoe meurika
@al-risyi, meureudu 16 mei 2018