Pantoen selamat lebaran

Hoe yang ta kalon lakee meah
Dari kesilapan bak pegah haba
Dari serius sampe meu sendah
Pasti na ilah meu sireuk kata

Mecureh hate bak taseumegah
Meleset lidah bak pegah haba
Kadang ta anggap cit hna salah
Timoeh masalah hate jieh luka

dalam benak ka goet ta keubah
Hana taruah ta jaga saudara
Timbul penyaket bak ujong lidah
Dumpat geupegah nak puleh luka

Tanyoe meudesya rakan metuah
Haba tapegah upat geu peuna
Cit hal biasa kamoe lam madah
Panton mesenda kajeut keu dawa

Semantong umu yg Allah singgah
Talakee meah ubena desya
Wate ka mate getnyoe teulah
Pat lakee meah tanyo ka fana

Ampon ta laje ka nibak Allah
Moga beu insaf nibk but dosa
Bek cuma rame tradisi babah
Bek cuma meah bak manusia

Uloen pribadi bek cuma pegah
Loen lakee meah bk rakan dumna
Ngon iklas hate kon canda babah
Beu neupemeah bek keuh na paksa

Tingat han mehoe watee lon pegah
Sang keneuk pisah ngon rakan dumna
Hana guna peng tajak sedekah
Meah lon ilah yang ulon pinta

"Minal aizin walfaizin"
"Mohon maah lahir dan batin"