83 me najar aayenge ranveer

Aap log to jaante hi honge ki ranveer singh apni agli film me cricketer banne waale hai. Wo kapil dev ke role me najar aayenge ye film kapil dev par hi bani hui hai. Mera matlab ki banne jaa rahi hai. Ye film kabir khan direct kar rahe hai aap to inko jaante hi honge na. Iss ki film bajrangi bhaijaan bahut mast chali thi maine bhi ye film kayi baar dekha hai. Kamaal ki film thi mujhe to bahut maja aaya tha. 

Image from taran adarsh

Lekin iss ki direct ki hui film tubelight ek dum ghatiya thi itna jyada ghatiya thi ki maine to film dekha hi nahi. Kya karta dekh kar yaar sab bekaar bol rahe hai film ko isliye maine iss film ko dekha hi nahi. Sab ne film ka majaak banaya kisi ne bhi sahi nahi kaha salman khan ke fans ne bhi film ki buraayi ki hai. 

Ab kya kare film ghatiya hai to ghatiya hi kahenge na bhai. Kisi ko bhi ye film achhi nahi lagi thi main to trailer dekh kar hi samajh gaya tha ki ye film ghatiya hoga kyo ki iss me salman bachho wala role kar rahe they aur iss tarah ki role me salman acting sahi nahi kar paate hai. Sahi kaha jaaye to salman khan ko acting aati hi nahi hai. Wo to bas apni body aur look ki wajah se logo ka pasandeeda hai. Mujhe bhi achha lagta hai ye banda. 

Iss ka look achha hai isliye main iss ko pasand karta hoon. Are yaar main bhi kin baato par aa gaya main to yaha ranveer ki agli film ke baare me baat kar raha tha na. Haan to unki agli film ka naam hai 83. Iss ka naam ye isliye hai kyo ki isi saal India ne pahla world cup jeeta tha aur kapil dev tabhi kaptaan they. Tabhi to main paida bhi nahi hua tha yaar.

Image from ranveer singh

Dekh rahe ho na aap ranveer ne to India team ka dress bhi pahna hua hai aur pura khush najar aa rahe hai. Wo kapil dev se sikh rahe hai kya hua tha kaise hua tha. Chaliye badhiya hai achhi baat hai ye film agle saal release hogi. Iss saal ranveer ki gully boy aayi thi mast film thi aur kamayi me to kya batau aap ko. Jaante hi ho aap iss ki filme ab mast kamayi karti hai. 

Gully boy aap logo ne dekha ki nahi ab tak. Theatre se sayad nikal gaya hai ab aap waha dekh nahi sakte hai. Net me dhundhiye aap ko mil hi jaayega kisi na kisi site me. Main to dekh chuka hoon aur mujhe behad pasand aayi hai aap ko bhi dekhna chahye sach me bahut pasand aayegi. 

Video from excel movies