Aap ko ye film dekhni chahye

Bhale hi bollywood waale south Indian filmo ka majaak udaate hai lekin mujhe to south india ki filme jyada pasand hai ye naya naya kuch le kar aate hai aur bollywood waale bas ek hi chij leke aate rahte hai aur ek hi chij logo ko dikhaate rahte hai aur kama bhi achha leti hai filme. Lekin South India waale kuch naya leke aata hai har baar aur unko iss ka faayda bhi hota hai. 

Image from vishal twitter page

Iss film ka naam hai irumbu thirai ye pichle saal May me hi release hua tha. Ye film hacking par bani hui hai, kiss tarah aap ke saath hacker log scam karte hai kaise aap ke bank account ki safaya kar jaate hai iss film me achhe se dikhaya gaya hai. Ye film dekh kar na kewal aap jagruk honge iss ke saath saath aap ko kuch naya dekhne ko bhi milega yahi wajah hai ki ye film bahut achha chali thi aur rating bhi iss ki mast hai.

Main aap se kahunga iss film ko jarur dekhe ye ab Hindi me aa gayi hai. Iss me jo actor hai uss ka naam hai Vishal aur ye banda utna khaas dikhta nahi lekin fir bhi south India me iss ki filme mast chalti hai. South India ka thik hai yaar kaale log bhi hero ban jaate hai. Lekin bollywood me aisa nahi chalega yaha to villain bhi gore laate hai. 

Agar aisa hero bollywood me bane to bahut majaak udaayenge yaha ke log. Main jaanta hoon na kaise hai humare desh ke log. Lekin ye film to bhai aap ko dekhni hi chahye nahi dekha to aap pachtaaoge. Aisi filme bollywood me banti nahi hai south India waalo me kaleja hai aisi filme banaane ka isliye wahi log risk leke filme banaate hai aur kama bhi lete hai aur naam bhi bana lete hai. 

Ye dekhiye ye film ka link hai dekhiye aur bataiye

Video from goldmines telefilms

Ye film hindi dubbed me hai kal hi release hui hai abhi 24 ghante bhi nahi huye hai aur views dekhi kitni tezi se badh raha hai. Iss me sab se achhi baat ye hai ki samantha bhi hai lekin yaar uska role bahut jyada chota hai mujhe lagta hai 10 minut ka hi uska role hoga iss film me. Waise to south indian filmo me heroine ka role bada hota hai lekin iss me uska role bahut jyada chota diya hai. 

Iss ka role thoda aur bada hota na to aur jyada maja aata lekin koi baat nahi yaar film ek dum gazab ki lagi hai mujhe. Ek film ke baare me kuch din pahle bataya tha wo bhi achhi thi wo dosti par bani hui thi aur ye film hacking par bani hai. Aap ko jarur dekhna chahye bahut maja aayega iss film ko dekhne ke baad. Ye banda Vishal mast mast filme banaata hai.