Maharashi ki jhalak dekh lijiye

Mahesh Babu ki film maharashi ka teaser aa gaya hai bhai log chaliye aaj isi ke baare me baat karte hai. Mujhe south india me sab se jyada koi actor pasand hai to wo hai mahesh babu. Iss bande ka jawaab hi nahi ek dum kamaal ka banda hai aur filme bhi mast lekar aata hai. Sach kahu to yahi wo wajah hai jiss ki wajah se main south indian filme dekhne laga hoon. 

Ye dekh sakte hai aap iss ki nayi film ka poster. 

Image from  vamshi paidipally‏

Iss ki flop filme bhi mujhe achhi lagti hai. Ek ka dum aaya tha wo flop ho gayi thi lekin mujhe bahut achhi lagi maine ek baar nahi kayi baar wo film dekha hai. Uske baad spyder ye bhi flop ho gayi lekin mujhe ye bahut jyada pasand aata hai. Iss ko bhi main kayi baar dekh chuka hoon uske baad srimanthudu ye to blockbuster hui thi aur iss ko maine ek baar nahi kayi baar dekha hai ek dum gazab ki film hai. 

Ab iss ki film aa rahi hai maharashi. Jiss ko vamshi paidipally ne direct kiya hai. Ye film 9 may ko release hone jaa rahi hai. Mujhe iss film ka besabri se intezaar hai lekin afsos ki baat ye hai ki main iss ko theatre me nahi dekh paaunga. Iss bande ki filme hindi me aati hi nahi hai ab kya kare sala hindi me aati to main jarur dekhne ke liye jaata lekin ab hindi me aati nahi isliye dekh nahi sakta hoon. 

Image from vamshi paidipally‏

Iss film me pooja hedge lead actress ke role me hai. Mujhe lagta hai wo iss ke saath pahli baar saath najar aane waali hai. Iss se pahle maine mahesh babu aur pooja hedge ko saath nahi dekha tha. Jitna mujhe yaad hai mujhe nahi lagta hai ki saath me dekha tha. Khair ye film ka teaser mujhe bahut achha laga hai aur dekhte hai ye film kaisi nikalti hai. 

Waise to ye banda achhi filme hi banata hai lekin kabhi kabhi logo ko pasand nahi aati hai. Ab nahi aati hai iss me iss ki kya galti hai mujhe to iss ki flop filme bhi achhi hi lagti hai. Pahle kewal isi ki filme dekha karta tha main lekin ab dusre star ki bhi filme dekhta hoon. Ab to allu arjun bhi pasand aane laga hai pahle ye banda boka jaisa lagta tha mujhe aur main iss ki filme nahi dekha karta tha. Jab se race gurram film aayi hai tab se dekh raha hoon. 

Ye dekh sakte ho aap maharashi ki film ka teaser. 

Video from dil raju

Ab bataiye kaisa hai teaser? Mujhe to thik hi laga hai waise hindi me nahi hai isliye thoda samajh nahi aaya lekin subtitle english kar ke dekh sakte hai. Usme bhi jyada maja nahi aata hai yaar pura hindi rahta na to ek dum bahut jyada maja aata. Ab kya kare iss ki filme hindi me sala aati hi nahi hai.