Priety Zinta fir se se aa rahi hai.

Priety Zinta meri bachpan ki crush hai yaar uski dimple uski smile mujhe sab kuch bahut pasand tha. Koi Mil Gaya film maine ek ya 2 baar nahi balki 100 baar se bhi jyada baar dekhi hogi. Usme Hrithik Roshan aur Priety Zinta ne dhoom macha diya tha. Aur Priety Zinta aur Shahrukh Khan ki film Veer Zarah ye film bhi jabardast thi yaar. 

Image From Priety Zinta Instagram

Bachpan me Priety Zinta mujhe bahut pasand thi abhi bhi hai lekin ab wo filmo me najar nahi aati hai. kaafi lambe samay baad wo fir se filmo me waapsi kar rahi hai aur uski film ka naam hai 'Bhaiaji Superhit' Iss film me Sunny Deol aur Arhsad Warsi bhi hai. 

Isi ke saath ye film me ek baar fir se aap ko Sunny Deol aur Ameesha Patel ki jodi dekhne ko milegi. Iss film me Ameesha Patel bhi hai, Iss baar saare old star ek saath najar aa rahe hai. Gadar film to aap ko yaad hai na kamaal ki movie thi aur theatre me sab se jyada din chalne waali movie thi uss time ki. 

Image From Sunny Deol Instagram

Ye film isi saal release ho raha hai aur ye comedy film hai iss me Sunny Deol double role me najar aayenge. Ye film comedy flick hai main to ye film jarur dekhne jaaunga kyo ki mujhe comedy filme bahut pasand hai aur meri favorite actress bhi hai main iss ko miss nahi kar sakta iss ko dekhna jaruri hai. Priety Zinta ko ek baar fir se dekh kar mujhe bahut khushi hogi.