URI sab ko pasand aa rahi hai
Kal 2 filme releasae hui are nahi 2 nahi 3 filme release hui hai 2 ka to aap ko pata hi hoga lekin iss ke alawa 706 naam ki bhi ek film release hui hai jiss me Divya Dutta lead role me hai. Ye film ka koi buzz hi nahi hai mere city me to release bhi nahi hua hai mujhe to lagta hai iss ko 200 screen bhi nahi mile honge India me. Koi bada chahra nahi hai film me iss wajah se haalat kharab hai. Baaki ke jo 2 filme bachi hai chaliye unke baare me baat karte hai.
Image from anupam kher twitter page
Haan to sab se pahla accidental prime minister ki baat karte hai. Film sab ko pasand aa rahi hai lekin kayi shahro me film ko ban kar diya hai congress ne aur jagah jagah par film hatao ke naare laga rahi hai. Film me koi mukhy kalakaar nahi hai bas iss me Anupam Kher hai aur unhone Manmohan ji ka role kiya hai. Unka role bahut hi achha nibhaya hai Anupam ji ne. Sab ko unka kaam pasand aaya hai.
Film ki pahle din ki kamayi ki baat kare to kuch khaas nahi raha kyo ki film bahut se shahro me ban hai aur kam screen par bhi release hui hai. Isliye jyada kamayi nahi hui hai iss film ne pahle din kewal 4.50 crore ki hi kamayi kar paayi hai.
Screenshot from taran adarsh twitter page
Ab baat karte hai film URI ki jiss ka kayi log intezaar kar rahe they. Pakistan me India ne jo surgical strike kiya tha ye film usi par bani hai. Sabhi ko film pasand aa rahi hai aur rating bhi sab achha de rahe hai. Kuch to kah rahe hai ki aaj tak maine jitne bhi filme dekhi mujhe usme se sab se achhi URI film lagi hai. Chaliye ye to bahut hi jyada achhi baat hai.
Ab baat karte hai film ki pahle din ki kamayi to iss film ka jyada craze tha koi mehnga actor to nahi tha lekin fir bhi sab pakistan me hui surgical strike dekhna chahte they uske baare me jaanna chahte they. Iss film ne accidental pm se doguna kamayi ki hai aur aaj to aur bhi jyada kama sakti hai.
Screenshot from taran adarsh twitter page
Ab bach gayi 706 uske baare me to kisi ne koi update hi nahi ki mujhe nahi lagta uss film ne 1 lakh bhi kamaaye honge kyo ki kisi ko to pata bhi nahi hai ki ek aur film release hui hai aur ye 2 filmo chodh kar koi aur film kyo dekhne jaayega. URI 100 crore kama sakti hai ab dekhte hai itna kama paati hai ki nahi agar iss me Akshay Kumar hota na to aur bhi jyada maja aata.
Kyo sahi bol raha hoon ki nahi main, Akshay ka na bhai jawaab hi nahi hai aise filmo me wo jabardast lagte hai aur wo hote na iss film me to film aur bhi achha kamaati. Pahle din kewal 8 crore kamayi lekin Akshay hote to kam se kam nahi bhi to 12 crore jarur kamaati aur aage chal kar iss bhi achha business karti.
Main to yahi kahunga ki film achhi hai aur sab tareef kar rahe hai apne sena par aap ko garv hoga ye film dekhne ke baad isliye aap jarur dekhne ke liye jaana.