Vicky ki agli film

Ek aur horror film aa raha hai bollywood me. Iss se pahle bahut aa chuke hai aur sab me ek hi kahani rahti hai. Ladka ladki shaadi karte hai aur ek naye ghar me jaate hai aur uss ghar me bhoot rahta hai wo ladki ke andar ghus jaata hai fir bhoot ki kahani pata chalti hai kisi baba se ya fir kisi father se. Bas yahi kahani hoti hai bollywood ki filmo me aap khud hi dekh lijiye koi bhi horror film utha kar aap ko yahi kahani milegi. 

Image from dharma productions

Ek alag film leke aa rahe hai apne vicky bhaiyya. Ye ek bhootiya film hai aur film ka naam bhi dekho bhoot hi hai. Chaliye achhi baat hai film ka poster upar dekh sakte ho aap sabhi log. Achha hi lag raha hai lekin daraona bilkul bhi nahi hai. Haan to iss film ki baat ki jaaye to ye isi saal november me aane waali hai. Iss me khaas ye hai ki iss baar ghar nahi hai iss baar ek jahaaj hai. 

Ji haan dosto iss baar jahaj me bhoot rahta hai. Hamesha to ghar me rahta tha lekin iss baar jahaaj me hai. Bollywood waale iss baar kuch alag leke aa rahe hai. Ye banda vicky kaushal bahut mashoor hua hai URI ke aane ke baad se ab dekho ye film chal paati hai ki nahi. Abhi stardom to aayi nahi hai abhi to film tab hi chalegi jab film ki story achhi hogi. 

Aur ek khas baat ye hai iss fim ki iss ko 2 part me bana rahe hai. Matlab ek hi part me ye film khatam nahi hone waali ye thodi badi aur lambi kahani hai isliye 2 part me iss ko banayenge. Ek november me release hoga aur dusre ka pata nahi hai mujhe ki wo kab release hone wala hai. 

Images from dharma productions

Film se ab tak vicky kausal ka hi naam suna hai maine ab tak ye nahi pata chala hai ki iss me heroine kon hai. Waise bina heroine ke bhoot film maja nahi aayega. Waise puraane filmo ka bhoot wala film dekha hai ki nahi sala gande scene se bhare rahte they. Bahut gande gande bante they pahle lekin ab waisa scene nahi hota hai abhi bhi emran hashmi ki filmo me hota hai lekin pahle bhayanak hota tha.

Waise mujhe nahi lagta ki iss film me aisa koi ganda scene hoga. Ye ek family waali horror film hogi aur iss me ek jahaaj me bhoot hoga. Ab dekhte hai ye film kaisi hoti hai. Abhi to iss ke trailer aane me bhi bahut samay hai. Vickey kaushal waisa actor achha hi hai aur URI me kamaal ka kaam kiya hai bande ne mujhe bahut pasand aaya.