Empire Islam of Atjeh Darussalam [ Keuradjeuën Islam Atjeh Darussalam ] Bagian 1

Sumber

Di Atjèh Rajek djinö jôh masa awai 2000 thôn seugohlom lahé Nabi Isa (Seugohlom Masèhi) kanä saboh keradjeuën Indra Purba. Nibak neuduëk Seudjarah lam meuribèë thôn njängka u likôt le kaneurasa prang, djidjak prang lé Agressor nibak Nanggro luwa, Gola, Tjina, Peurtugéh, deungón Sriwijaya ngón Nanggro-nangroë laén. Sunut thôn (450-460H) (1029-1039M) djidjak reubôt Keuradjeuën Indra Djaja (Dairah leupung djinöë) Teuma le teuntra Tjina djidjak seurang Keuradjeuën Indra purba (Lamuri) Lam masanjän neumät Keuradjeuën lé Maharadja ’’Indra Sakti’’.

Lam watèë njän teungóh meukasjhuk prang banduwa ho teuntra njän keuh teuntra Tjina ngón teuntra Indra Purba (Lamuri), rôh teuka Teuntra Keurajeuën Peureulak njäng neupimpén lé Ülama Sjèch Abdullah Kan-än njäng meutjeuhu nän ’’Sjiah Huda’’ keuturônan Arab Kana-än teuka nibak Dawijjah Tjòtkalla Bajeuën lam masanjän pusat teumpat Latéh / peurunö Meulitè éëeumëë meuprang di Keuradjeuën Peureulak deungón 300 dro bala teutra. Didalam pasukan 300 dro njän nasidro aneuk muda njäng tjeudaih rupa nän neuh Djohan Putra Atawa Meurah Djohan.

Aneuk nibak Meurah Lingge (Adi Geunali) atawa Teungku Kawé Teupat Raja di Nanggro Lingga, lam masa njän ka neumeulampôh ngón neuseumula di Indra Purba dairah Sibrèh djinö, Djohan Putra neu- angkèë keu Panglima ngón lakab nän Meurah Djohan.

Keuradjeuën Indra Purba dji seurang meutinan-tinan lé Pasukan Teuntra Tjina deungón meukasjhuk, teuma neubantu lé Pasukan Islam njäng teuka nibak Nanggroë Peureulak njäng neupimpén lé (Panglima Meurah Djohan). Meurah Djohan dalam mideuën prang beuhe lagèë singa neumeuprang saban- saban deungón balatentra Indra Purba neuhadap pasukan teuntra Tjina njäng agama Budha.

Beureukat neubantu lé Pasukan Meurah Djohan aché djih prang lheuëh keu pasukan Meurah Djohan ngön Pasukan Indra Purba, teuntra Tjina talô prang Lamuri njäng meunang prang. Teuma ureuëng- ureuëng Indra Purba neukalòn ureuëng-ureuëng Islam Neumeuprang that tjaròng, gigèh ngón beuhe, peukateuën/ peurangeui siuroë- uroë gòt that haròk ureuëng- ureuëng lamuri njäng meu agama hindu keu tingkah laku njängdjroh ureuëng Islam Peureulak njän ngón taät Neu- badat, aché djih ban bandum ureuëng Lamuri Keuradjeuën Indra Purba neutamóng Islam. Maharadja Indra Sakti pih neutamóng Islam.

”Geulantoë teurimóng geunaséh Maharadja Indra Sakti, teulheuëh neutamóng Islam,Meurah Djohan neupeukawén deungón Tjut Putroë Blang Indra Keusuma” Saban deungón njäng neusalén lé Teungku Yunus Ismail Teutra Tjina njäng prang Lamuri Panglima djih ureuëng Inóng nan djih (Nian nio lim chi).

Lheuëh talô prang teutra tjinanjän meuhadab deungón Pasukan (Meurah Djohan) Panglima Tjina
(Nian nio lim chi) neutamóng Islam deungón galak droneuh. Deungón nä izin sambinö neuh Putroë Indra Keusuma ngón seureuta izin Gurèë neuh Sjèch Abdullah Kan-än. Meurah Djohan neumeusambinö deungón (Nian nio lim chi) meutjeuhu nän Putro Nëng. Deungón neutamóng Islam Putro Nëng mandum teutra Tjina geutamóng Islam.

Teuma nakeuh Sjèch Abdullah Kan-än Peumimpén Muballègh Islam u Lamuri, meutjeuhu nän Teungku Sjhik (Lampeuneu-üën.) lheuëh prang ka 25 thôn teuma Maharadja Indra Sakti neuwoë U Rahmatullah, geulanto seunambông Keuradjeuën geuh, Indra Purba neutabal keu Radja meulintèë neuh Meurah Djohan deungón lakab:

Sulthan Alaiddin Djohan Sjah
sunud thôn (602-631H)(1180-1210M).

Meusambong bagian 2 :Sulthan Alaiddin Djohan Sjah-sunud thôn (602-631H)(1180-1210M).