1st ODI of Sri Lanka vs Australia 🦔

ශ්‍රී ලංකාව සහ ඔස්ට්‍රේලියාව අතර T20 තරගාවලිය පසුගිය සෙනසුරාදා නිමාවුනේ ඔස්ට්‍රේලියානු කණ්ඩායමට තරගාවලියේ ජය හිමිකරගෙන දෙමිනුයි. නමුත් අවසන් තරගය විශිෂ්ට ලෙස ජයගනිමින් එක්දින තරගාවලියට නව බලාපොරොත්තුවක් ලබාදීමට ශ්‍රී ලංකා ක්‍රීඩකයන්ට හැකියාව ලැබුණා.

ඒ අනුව ශ්‍රී ලංකාව සහ ඔස්ට්‍රේලියාව අතර එක්දින තරගාවලිය ආරම්භ කරමින් පළමු තරගය ඊයේ මහනුවර පල්ලේකැලේ ක්‍රීඩාංගනයේදි ආරම්භ වුනා. කලකට පසු කාසියේ වාසිය දිනාගත් ශ්‍රී ලංකා නායකයා ප්‍රථමයෙන් පන්දුවට පහර දීමට තීරණය කලා. ශ්‍රී ලංකා කණ්ඩායමට සාර්ථක ආරම්භයක් ලබාදෙමින් ශතක සබඳතාවක් ගොඩනැගිමට ආරම්භක පිතිකරුවන් වූ ධනුෂ්ක ගුණතිලක සහ පැතුම් නිෂ්ෂංක සමත් වුනා. හොදින් පන්දුවට පහර දෙමින් සිටියදි වෙනදාමෙන්ම අවාසනාවන්ත ලෙස දුවද්දි දැවි යාමට ධනුෂ්ක ගුණතිලකට සිදුවුණා. ඒ වන විට ඔහු ලකුණු 55ක් ලබාගෙන සිටියා. ඉන්පසුව පැතුම් නිෂ්සංකත් ලකුණු 56කට දැවි ගියා.

ඒ අනුව පන්දුවාර 50 අවසානයේදි ශ්‍රී ලංකා කණ්ඩායම කඩුළු 07ක් දැවි ලකුණු 300 ක් ලබාගැනිමට සමත් වුනා. එහිදි ශ්‍රී ලංකා ඉනිමේ ලකුණු පුවරුව ශක්තිමත් කිරිමට වනිදු හසංරග පන්දු 19 කදි ලකුණු 37ක් ලාබාගැනිමට සමත් වුනා. ඒ වගේම කුසල් මෙන්ඩිස් සිය එක්දින පිටියේ 18 වන අර්ධ ශතකය ලබාගැනිමට සමත් වුනා. ඔහු නොදැවි ලකුණු 86ක් ලබාගැනිමට සමත් වුනා.

ඒ අනුව ලකුණු 301 ක දැවැන්ත ඉලක්කයක් හබාගෙන යාමට පිටියට පිවිසි ඔස්ට්‍රේලියානු කණ්ඩායමේ පළමු කඩුල්ල දෙවෙනි පන්දුවාරයේදිම ලබා ගැනිමට මහීෂ් තීක්ෂණ සමත් වුනා. පසුව තරගයට වර්ෂාවෙන් බාධා එල්ල වුනා. වර්ෂාවෙන් පසුව තරගය ආරම්භ වෙද්දි ඔස්ට්‍රේලියානු කණ්ඩායමට පන්දුවාර 44කදි ලකුණු 282ක ඉලක්කයක් ලබාදී තිබුනා. ශ්‍රී ලංකා පන්දු යවන්නන් හොද අභියෝගයක් ලබාදුන්නත් මැක්ස්වෙල්ගේ ප්‍රහාරාත්මක පිතිකරණය හමුවේ ශ්‍රී ලංකා කණ්ඩායම එම තරගය පරාජයට පත්වුනා.

පන්දු යැවිමේදි ශ්‍රී ලංකා කණ්ඩායම වෙනුවෙන් වනිදු හසරංග කඩුළු 04ක් ලබාගැනිමට සමත් වුනා. ඒ වගේම ශ්‍රී ලංකා 19 පහල ක්‍රිකට් කණ්ඩායමේ නායක දුනිත් වෙල්ලාලගේ ඊයේ දිනයේදි 204 වන ක්‍රීඩකයා ලෙස එක්දින වරම් දිනාගැනිමට සමත් වුනා. ඔහු ඊයේ කඩුළු දෙකක් බිද හෙලිමට සමත් වුනා.

එහෙනම් ඉතිං තව හතරක්ම තියෙනවනේ, මේකෙත් ලොකු ගේමක් දීපු නිසා ඊලග එක දිනයි කියන බලාපොරොත්තුවෙන් මේ ලිපිය අවසන් කරන්නම්..🦔