A day that will never be forgotten in life ❤️🇱🇰

ශ්‍රී ලංකාව සහ ඔස්ට්‍රේලියාව අතර එක්දින තරගාවලියේ හතරවන සහ තීරණාත්මක එක්දින තරගය ඊයේ කොළඹ ආර්. ප්‍රේමදාස ක්‍රීඩාංගණයේදි පැවැත්වුනා. කලින්ම ටිකට් ගත්තු නිසා අපිත් ඒ තරගය බලන්න ඊයේ ගියා. මැච් එක 2.30ට පටන් ගන්නවා උනාට, අපි දවල් 01 විතර වෙද්දිම ග්‍රවුන්ඩ් එකට ගියා. මොකද සෙනඟ ඉක්මනටම පිරෙන නිසා කලින්ම හොද තැනක් අල්ලගන්න ඕනේ නිසා.

තරගයේ කාසියේ වාසිය දිනාගත් ඔස්ට්‍රේලියානු නායකයා ප්‍රථමයෙන් පන්දුවට පහර දීමට ශ්‍රී ලංකා කණ්ඩායමට ආරාධනා කලා. ශ්‍රී ලංකා කණ්ඩායමේ අබාධයකට ලක්ව සුව වී සිටි වනිදු හසරංග ඊයේ දිනයේ නැවතත් කණ්ඩායමට ක්‍රීඩා කල අතර, දුෂ්මන්ත චමීරට ආබාධයක් හේතුවෙන් ඊයේ තරගය අහිමි වුනා.

ප්‍රථමයෙන් පන්දුවට පහර දුන් ශ්‍රී ලංකා කණ්ඩායමේ පළමු කඩුළු තුනම ඉතා අඩු ලකුණු සංඛ්‍යාවකට බිද වැටිමෙන් පසුව පිටියේ එකතු වූ ධනංජය ද සිල්වා සහ චරිත් අසලංක ලකුණු 101 විශිෂ්ඨ සබඳතාවක් ගොඩනඟමින් ශ්‍රී ලංකා ඉනිම ශක්තිමත් කිරිමට සමත් වුනා. එහිදි ධනංජය ද සිල්වා ලකුණු 60ක් ලබාගෙන සිටියදි මැක්ස්වෙල් ලබාගත් විශිෂ්ට උඩ පන්දුවක් හමුවේ අවාසනාවන්ත ලෙස දැවි යාමට සිදු වුනා.

ඉන්පසුව පිටියට පිවිසි නායක දසුන් ශානකත් අවාසනාවත් ලෙස දුවද්දි දැවි ගියා. ඉන්පසුව පිටියට පිවිසි වෙල්ලාලගේ සමග එකතු වූ චරිත් ලකුණු 57ක සබතාවක් ගොඩනඟමින් ශ්‍රී ලංකා කණ්ඩායම තරමක අවදානමකින් මුදවා ගත්තා. නමුත් නොසැලකිලිමත් කඩුළු අතර දිවීම නිසා ශ්‍රී ලංකා ඉනිම පන්දුවාර 49කදි ලකුණු 258කට සීමා වුනා. ශ්‍රී ලංකා කණ්ඩායම වෙනුවෙන් විශිෂ්ට ඉනිමක් ක්‍රීඩාකල චරිත් අසලංක සිය මංගල එක්දින ශතකය ලබාගනිමින් ලකුණු 110ක් රැස්කිරිමට සමත් වුනා.

පිළිතුරු ඉනිම ක්‍රීඩා කල ඔස්ට්‍රේලියානු කණ්ඩායමේ පළමු කඩුල්ල ලෙස නායක ඇරොන් ෆින්ච් ව දවා ගැනිමට චාමික කරුණාරත්න සමත් වුනා. ඉන්පසුව ක්‍රියාත්මක වූ ශ්‍රී ලංකා දගපන්දු බලැනිය ඔස්ට්‍රේලියානු කණ්ඩායමට විශාල අභියෝගයක් එල්ල කිරිමට සමත් වුනා. එක් අන්තයක සාර්ථක ඉනිමක් ක්‍රීඩාකරමින් සිටි ඩේවිඩ් වොර්නර්ව ලකුණු 99කට දවාගැනිමට ධනංජය ද සිල්වා සමත් වුනා.

දසුන් ශානක යැවු අවසන් පන්දුවාරයට ලකුණු 19ක් ඔස්ට්‍රේලියානු කණ්ඩායමට අවශ්‍ය වී තිබුනා. අවසන් පන්දුවේදි ලකුණු පහක් අවශ්‍ය වී තිබුණත්, එම පන්දුවට අවසන් කඩුල්ලත් ලබාගනිමින් වසර 30කට පසු ශ්‍රී ලංකාවේදි ඔස්ට්‍රේලියාවට එරෙහිව එක්දින තරගාවලි ජයක් වාර්තා කිරිමට ශ්‍රී ලංකා කණ්ඩායම සමත් වුනා.

මොනවා වුනත් මගේ ජිවිතේ මම බලපු සුපිරිම මැච් එක මේක තමයි. මට මගේ ජිවිතේ කවදාවත් අමතක වෙන්නැති දවසක් තමයි ඒ දවස. මැච් එක දිනපු වෙලාවේ අපි කෑගහලා ඒ සතුට සමරපු විදිහට කවදාවත් සතුටු වෙලා නෑ. ඒ ෆිලින්ග් එක හොදටම තෙරෙන්නේ 25000ක් විතර ක්‍රවුඩ් එකක් අස්සේ ඉන්නකොට තමා. වචනයෙන් කියන්න බැරි තරම් ඊයේ සතුටු වුනා. ඒ දවස හැමදාමත් මගේ හිතේ සුන්දර මතකයක් විදිහට තියේවි....❤️🇱🇰

පහල👇 විඩියෝ එක බැලුවාම හිතාගන්න පුලුවන් වෙයි ඒ ෆිලින්ග් එක 🥺❤️🇱🇰

https://youtube.com/shorts/VA_UthSlGLY?feature=share