The in Between(2022) | 5% For SL-Charity

කාලෙකට පස්සේ අද ආයෙමත් ලගදි බලපු ෆිල්ම් එකක් ගැන ලියන්න හිතුනා. ෆිල්ම් බලන එකට කොච්චර ආස උනත් ඉස්සර වගේ දැන් ෆිල්ම් බලන්න වෙලාවක් නෑ. ඉතින් ඒ වගේ ඩවුන්ලෝඩ් කරලා තියාගෙන ඉදලා බලන්න බැරි උන ෆිල්ම් එකක් ගැන තමයි අද මේ කියන්න හදන්නේ.

මේ ෆිල්ම් එකේ නම තමයි The in Between. 2022 පෙබරවාරි 11 වෙනිදා තමයි මේ ෆිල්ම් එක රිලිස් වෙලා තියෙන්නේ. Netflix හරහා ඉදිර්පත් වුන මේ චිත්‍රපටිය අධ්‍යක්ෂණය කරලා තියෙන්නේ Arie Posin කියන අධ්‍යක්ෂකවරයායි. එතකොට මේ ෆිල්ම් එකේ ප්‍රධාන චරිත දෙක වන ටෙසා සහ ස්කයිලර් චරිත දෙක නිරූපණය කරන්නේ Joey King සහ Kyle Allen විසිනුයි. මේ ෆිල්ම් එකේ IMDB අගය 5.9/10 වගේ අඩු අගයක් ගත්තත් ඇත්තටම මේ ෆිල්ම් එක අසාවෙන් බලන්න පුළුවන් පුංචි කුතුහලයකුත් එකතු වුන ෆිල්ම් එකක්.

ෆිල්ම් එක පටන් ගන්නේ කාර් රථ අනතුරකින්. ඒ අනතුරට ලක්වෙන්නේ ටෙසා සහ ස්කයිලර් යන දෙන්නයි. ඉතිං මේ අනතුරෙන් ටෙසාට ජිවිතය බේරගන්න පුළුවන් උනත් ස්කයිලර්ට ජිවිතය අහිමි වෙනවා.

ටෙසා කියන්නේ ඡායාරූපකරණය ඇල්මක් දක්වන කෙනෙක්. ස්කයිලර් කියන්නේ වෘත්තීයමය වශයෙන් බෝට්ටු තරග පදින කෙනෙක්. ඉතිං මේ දෙන්නා මුන ගැහෙන්නේ ෆිල්ම් හෝල් එකකදි. එතනදි දෙන්නා අදුන ගත්තත් ආපහු මේ දෙන්නා මුන ගැහෙන්නේ ටික කාලෙකට පස්සේ ටෙසා එයාලගේ කොලේජ් එකේ බොට්ටු තරගෙක ෆොටෝ ගහන්න ගියපු වෙලාවක.

එතනින් පටන් ගත්තු මෙයාලගේ කතාව ටිකෙන් ටික ලස්සනට දිගඇරිගෙන යන මොහොතක තමයි මේ දෙන්නා මේ රිය අනතුරට මුහුන දෙන්නේ. The in Between කියලා කතාවේ නම තියෙනවා වගේ ස්කයිලර් මරණයෙන් පසුව ජිවිතයත් මේලොව ජිවිතයත් අතර ඉදගෙන ටෙසාට අවසාන වතාවට සමුදෙන්න තමයි බලාගෙන ඉන්නේ. ඉතිං මේ නිසා ඔහු කිහිප අකාරයකින්ම ටෙසාට කතාකරන්න උත්සහ කරනවා.

ඒ විදිහට කතාවේ අවසානෙදි ටෙසා සහ ස්කයිලර්ගේ ආත්ම දෙක එකිනෙකට මුනගැහෙනවා වගේම හරිම ලස්සන විදිහට කතාව අවසන් වෙනවා. කොහොම උනත් කාට උනත් අසාවෙන් බලන්න පුළුවන් ලස්සන love story එකක් විදිහට මේක recommend කරන්න පුළුවන්.