තරගාවලි ජයක්
ඉතින් හැමෝම පරිස්සමෙන් ඇති කියල හිතනවා.කාලයක් තිස්සේ නංගිත් එයාටත් ලියන්න ඕන කියලා ඉල්ලුව නිසාම අලුත් Account එකක් හදලා දෙන්නේ නැතුව මගේ එකෙන්ම එයාටත් ලියන්න අවස්ථාව හදලා දුන්නා.ඉතින් ඔයාලා කියවන සමහර article එයා ලියපුව වෙන්නත් පුළුවන්.ඒකට හේතුව මේ අන්තිම semester ඒක නිසා field visit , report , exam ගොඩගැහිලා තියෙන්නේ. ඒවත් එක්ක ලියන්න වෙලාවක් නැති වෙන හින්දම තමයි එයාටත් කියලා දුන්නේ.හරි ඉතින් අද ලියන්න යන්නේ ශ්රී ලංකාවේ වගේම බංගලාදේශයේ ක්රිකට් රසිකයින් වඩාත් උවමනාවෙන් බලපු ශ්රී ලංකා කණ්ඩායමේ බංගලාදේශ තරග සංචාරය ගැන.මැතිව්ස්ගේ time out සිද්ධියත් එක්කම ආරම්භ වූ මේ තරගාවලියේ, විස්සයි විස්ස තරඟාවලිය ජය ගැනීමට ශ්රී ලංකා කණ්ඩායම සමත් වූ අතර, එක් දින තරඟාවලිය ජය ගැනීමට බංගලාදේශ කණ්ඩායම සමත් වුනා.ඉතින් තරගාවලි දෙකම අවසානයේදී එය සැමරීමේදී කණ්ඩායම් දෙකම time out සිද්ධිය පාදක කර ගැනීම කාගේත් නෙත ගැටුනා. මේ නිසාම ගොඩක් දෙනාගේ අවධානයට ලක් වුණේ ටෙස්ට් තරගාවලියයි.
ඉතින් ටෙස්ට් තරගාවලියට කාලයකට පසුව කමිදු වෙන්ඩිස් කැඳවා තිබුනු අතර තම කැඳවීම සර්ව සාධාරණ බවට ඔප්පු කරමින් අති විශිෂ්ට ඉනිම් දෙකක්ද ක්රියාත්මක කරමින් වගේම. නායක ධනංජය ද සිල්වාත් සමග අනර්ඝ සබඳතාවක් ද පවත්වා ගනිමින් තරගයේ ජය ශ්රී ලංකා කණ්ඩායමට පහසුවෙන් ගෙන ඒමට සමත් වුනා.ඉතින් මේ තරගායෙදී ශ්රී ලංකා කණ්ඩායමේ වේගපන්දු බලඇණියද මනා දායකත්වයක් ලබාදීමට සමත් වුණා.ඉතින් පළමු තරඟයේ ජයග්රහණයත් සමඟින් යහපත් මානසිකත්වයෙන් දේවන තරගයට එළඹුණු ශ්රී ලංකා කණ්ඩායමද, කණ්ඩායමේ ප්රබල වෙනස්කමක් ද සමගින් ශකීබ් අල් හසන්ද කණ්ඩායමට කැඳවා මේ තරගයේ ජයගෙන තරගාවලිය එකට එකක් ලෙස සම කිරීමේ අරමුණෙන් බංගලාදේශ කණ්ඩායමද තරගයට අවතීර්ණ වුනා.
කෙසේ නමුත් නැවතත් පිතිකරන බලඇණිය ක්රියාත්මක වූ ශ්රී ලංකා කණ්ඩායම ලකුණු 531 ක දැවැන්ත ඉනිමක් ගොඩනැගීමට සමත් වුණා. කලින් තරඟයේ පරිදිම මේ තරගයේත් ක්රියාත්මක වූ ශ්රී ලංකා වේගපන්දු බලඇනිය බංගලාදේශ පළමු ඉනිම ලකුණු 178කට සීමා කිරීමට සමත් වුනා. දෙවන ඉනිමේදී ශ්රී ලංකා පිතිකරන බලඇණිය මඳක් පසුබට වුණත් ලකුණු 157ක් ලබා සිටියදී 511ක දැවැන්ත ඉලක්කයක් ලබා පන්දුවට පහ්රදීමේ අවස්තාව බංගලාදේශ කණ්ඩායමට ලබාදුන්නා.නමුත් ඒ ඉනිමේදී ඔවුන්ට ලබාගැනීමට හැකිවුනේ ලකුනු 318ක් පමණයි.ඒ අනුව දෙවන තර්ගයේ ජයත් ලබාගැනීමට ශ්රී ලංකා කණ්ඩායම සමත් වුනා .ඒ අනුව ටෙස්ට් තරගාවලිය 2-0 ලෙස ජයගෙන සාර්ථකව නිම කිරීමට ශ්රී ලංකා කණ්ඩායම සමත් වුණා.තරගයේ වීරයා සහ තරගාවලියේ වීරයා යන සම්මාන දෙකම පිත්තෙන් සහ පන්දුවෙන් දෙකෙන්ම දස්කම් පෑ කමිදු මෙන්ඩිස් හට හිමිවුණා.