ඔබ වටින්නේ නැත්ද?

අද රන් FM එකේ උදේ දහය වෙනකන් නිවේදනය කරපු නිවේදිකාවක් ලස්සන කතාවක් කීව. ඒක අපේ පුද්ගලික ජිවිතයට ගොඩක් වැදගත් වෙන කතාවක් නිසා මට හිතුන ඔයාල එක්ක ඒක බෙදාගන්න. ඒකට කමක් නැහැ නේද? බලන්න ඔයලගේ ජීවිතේටත් මේ කතාවෙන් යමක් ගන්න තියනවද කියල. කතාව මෙන්න මේකයි.

_{Image source}

ඔන්න තරුණියක් හිටියලු. එයාගොඩක් දුර ගිහින් තමා ගෙදරට වතුර ගේන්නේ. එයාගේ කරේ කඳක් වගේ දෙපැත්තේ වතුර කළ දෙකක් එල්ලගෙන් කරේ තියාන ගෙදර එනවා. මෙහෙම කාලයක් යද්දී අර කළේ ටිකක් පළුදු වෙලා වතුර බිම හැලි හැලි තමා ගෙදරට ගේන්නේ. මේ වැඩේට අර කළයට හරි දුකයිලු. මොකද මෙයා කරේ තියාන එන වතුර වලින් කොටසක් මග දිගේ හැලෙනවලු. ඉතින් දවසක් කළේ අර තරුණියට යෝජනා කලාලු මෙන්න මෙහෙම. අපි දෙන්න දැන් හොදටම පලුදු වෙලා තියෙන්නේ ඒක නිසා අපිව අයින් කරලා අළුතින් කළ දෙකක් ගන්න. නැත්නම් ඔයා ගේන වතුර වලින් කොටසක් අහක යනවා. ඒක ඔයාගේ මහන්සියට කෙරෙණ අසාධාරණයක් කියල.

මේ කතාව අහපු අර තරුණිය මොනවත් නොකිය ඊළඟ දවසෙත් අර කළ දෙක අරන් ගිහින් එයාගේ නිවසට වතුර ගෙනාවලු. ගෙනල්ල ඉවර වෙලා කළ බිමින් තියල කළ වලට මෙන්න මෙහෙම කීවලු.

ඔයාල දැන් එනකොට පාර දිගේ දෙපැත්තේ මොනවාද දැක්කේ කියල ඇහුවලු. එතකොට කළ දෙක කියනවලු ලස්සන මල් පිපිලා තියෙනවා දැක්ක කියල. අන්න එතකොට අර තරුණිය කියනවලු ඔයාලගෙන් වැටෙන වතුර වලින් තමා ඒ මල් ගස් වලට වතුර ලැබෙන්නේ. ඒ නිසා පරිසරයත් ලස්සනට පේනවා. මම අලුතින් කළ දෙකක් ගත්තොත් මට අමුතුවෙන් ඒ මල් වලට වතුර දාන්න වෙනවා. ඒත් දැන් ඔයාලගෙන් හැළෙන වතුර වලින් ඒ මල් වලට වතුර ලැබෙනවා. ඒ නිසා කිසිම දවසක තමන් අවතක්සේරු කරන්න එපා. සමහර විට ඔය අළුත් කළ වලට වඩා ඔයාලගේ වටිනාකම වැඩියි කියල. මේක අහපු කළ දෙක ගොඩක් සතුටු වුණාලු. තමන්ටත් වටිනාකමක් තියනවා කියල.

ඉතින් ඔයාලට මේකෙන් ගන්න තියන පාඩම මොකක්ද දන්නවද? ඔයාලා ආයතනයේ හෝ පාසලේ හෝ විශ්ව විද්‍යාලේ හෝ පවුල තුළ වේවා තමන්ට වටිනාකමක් නැහැ කියල දුක් වෙන්න එපා. ඔයා තුළ ඔබ නොදකින වටිනාකමක් ඇති ඒ නිසා මේ ලැබූ නව වසරේ ඔයාලගේ ජිවිතේට වටිනාකමක් තියනවා කියන හැඟීමෙන් ධනාත්මකව හිතල සෑම තැනම සෑම කටයුත්තකම යෙදෙන්න. සමහර විට ඔබ වටිනාකමක් ඇතැයි සිතූ අයට වඩා ඔබ ළඟ ලොකු වටිනාකමක් ඇති. ඒ වටිනාකමින් ප්‍රයෝජන අරන් රටට, පවුලට, ආයතනයට, පාසලට, හෝ සමාජයට වැඩදායි පුද්ගලයකු වන්න.

ස්තුතියි.