Burnsteem25|| Diary Game Season 3|| October 19, 2022|| "Nature Travel"

Kapag Probinsya ang pag-uusapan ay alam agad natin kong ano ang makikita natin dito. Kadalasan din sa Probinsya puro mga bahay na ang makikita pero may mga lugar din na puro mga punong-kahoy ang makikita o matatagpuan. Kaninang umaga, nagpasya akong pumunta sa isa sa karatig lugar dito sa Manticao. At dahil mahilig ako sa mga usaping pangkalikasan kaya ito ang ibabahagi ngayong hapon. Kapag mapapanatili natin ang kaayusan at kasiglahan ng lugar ay matatamasa talaga natin ang kagandahan nito. Maipapakita pa natin sa pamamagitan nito ang ating pagmamahal sa kalikasan.

Ito ang lugar na kong tawagin namin ay Sta. Cruz. Dito isinasagawa ang pagpoprosisyon ng krus tuwing kwaresma. Isa ito sa mga matataas na bundok na matatagpuan dito sa Manticao at nasa 10 ka bahay lamang ang makikita o nakatayo dito sa naturang lugar. Ang bundok ng Sta. Cruz ay ang hangganan ng Sitio Kabulu-buluhan o mas kilala ngayon sa tawagna linangga at ang lugar kung saan matatagpuan ang pampublikong merkado dito sa lungsod.

Mahirap puntahan ang lugar na ito dahil walang daan at napakamadulas dito kahit walang ulan dahil sa mga maliliit na mga bato. Ito ang unang bundok na makikita dito sa lungsod ng Manticao at sa katunayan malaking tulong ang lugar na ito tuwing may malakas na hanging dulot ng masamang panahon. Ito ang nagsisilbing harang para hindi mapuruhan ng malalakas na hangin ang mababang parte ng lugar.

Dito sa lugar matatagpuan ang mga ibat-ibang uri ng mga ligaw na mga bulaklak at halaman, isa na dito ang bulaklak na ito. Lubos akong namangha sa aking nakita kanina lalo na sa bulaklak na ito. Maraming mga dayo o mga taong nagmula pa sa malalayong lugar na nakabighani sa ganda nito, lalo na sa kanyang kulay, desinyo at iba pa. Maliban sa kulay orange na kulay ay may iba pang kulay ang bulaklak na ito gaya ng violet, pink, white na may kasamang yellow at purple.

Hindi ito rare na bulaklak bagkus pinuputol ito ng mga taong gustong magtanim sa naturang lugar napakarami kasi nito kaya pinuputol nalang. Hindi naman masasayangan ang mga tao dahil madali at tumutubo lang ito kahit saan.

Sa paanan ng bundok makikita ang ilog na ito. Marami ko nang beses naibahagi ang ilog na ito pero dahil parte ito ng aking travel blog ay isasali ko nalang dito. Dito ako dumadaan kapag uuwi ako sa aming bahay. Nagsisilbi itong hangganan sa pagitan ng dalawang Barangay, Ang Barangay Poblacion at Barangay Paniangan. Napakalaking tulong ng ilog na ito dahil dito minsan kumukuha ng ikakabuhay ang mga residente na nakatira malapit sa ilog kasama na ang paglalaba, pagliligo at marami pang iba.

Short cut din ito para sa mga taong nakatira sa bukid ang problema lang dito tuwing bumabaha ng malakas, hindi talaga makakatawid ang mga tao lalo na kami na nakatira sa kabilang dako ng lugar. May tulay pero kailangan pang lumakad ng milya para makarating sa naturang tulay at doon dadaan. May mga lamang tubig na pwedeng kainin ang makukuha dito, iilan sa mga pwedeng kainin na makukuha dito sa ilog ay ang hipon, alimasag, suso at isda.

Habang nasa kalagitnaan ako ng aking paglalakbay ay nakita ko itong kabayo. Dati kasi, ang lugar ay pinapastulan ng mga hayop gaya ng baka, kabayo, kambing at marami pang iba. Pero unti-unti na itong nawala sa nagdaang panahon, may mga nagpapakain ng mga hayop ditp pero mangilan-ngilan nalang. Magandang pastolan ng mga hayop dito sa lugar, maraming mga damo at malawak ang lugar na pagpapastolan.

Tunay na nakakangha ang ganda ng kalikasan kapag mapanatili ang kagandahan at kaayusan nito. Sana mananatili pa rin ang kagandahan ng lugar ng aming Lungsod.

Bago ko tatapusin ay nais kong imbitahan sina ate @jurich60, ate @amayphin at @jessmcwhite. Ang 25% ng payout mula sa post kong ito ay ibabahagi ko sa @null.