Burnsteem25|| Diary Game Season 3|| October 25, 2022|| "Free Check-Up and Animal Vaccination Day"

Kahapon ay isinisagawa ang isang malaking programa dito sa aming lungsod at ito ay ang free check-up at animal vaccination activities. Ito ang malaking programa na isinagawa ng Lokal na pamahalaan sa tulong ng aming Gobernador at Congressman. Dahil sa nasabing programa ay kaagad nalaman ng mga residente dito sa lungsod ng Manticao ang mga magagandang aktibidades na tyak makakatulong sa kanila.

Maraming mga bisita ang dumalo sa nasabing programa, isa na dito ang aming Gobernador at Congressman. Sila ang nasa likod nitong malaking tulong para sa mga tao. Yung mga tao na nakatira pa sa malalayong parte ng manticao ay dumating ng maaga dahila anila, mas maganda daw na maaga sila darating para hindi sila mahuli sa libreng konsultasyon. Ang mga konsultasyon na isinasagawa ay para sa mga may minor na karamdaman lamang gaya ng ubo, sipon, lagnat, at may libreng gamot para sa lahat ng mga komunsulta.

Sa labas naman ng gymnasium ay makikuta ang mga hayop gaya ng pusa at mga aso na nakahiga sa isang trapal. Dito kasi isinasagawa ang libreng bakuna para sa mga anti-rabbies. Napakahalaga nito dahil para hindi manganganib ang buhay ng taong makagat ng pusa o di kaya ay aso. Naaawa ako sa mga mga hayop na walang malay dahil sa itinurok sa kanila pero napakahalaga din ito para sa kanila. Inalalayan din ng mga nagmamay-ari ng mga hayop ang kanilang mga alaga para madaling manumbalik ang kasiglahan ng mga aso at pusa na bagong bakuna.

Katuwang ng lokal na pamahalaan ang Department of Health na siyang nangunguna sa pag-aasekaso ng libreng konsultasyon at bakuna para sa mga hayop. Layunin ng departamento na maging ligtas ang mga taong may inaalagaang hayop gaya ng aso at pusa. Dagdag dito ang hindi makakapinsala o makakasira buhay ng tao kapag nakagat man ito.

May libre ding pananghalian kahapon dito sa lungsod kaya hindi talaga magutom ang mga taong dumalo para magpakonsulta o di kaya ay magpabakuna sa kanilang hayop. Masayang-masaya naman ang lahat dahil nabigyan sila ng pagkain pananghalian. Maayos ang kanilang serbisyo at pag-aasists sa mga tao. May mga para sa mga senior citizens at mga buntis, may sa mga bata at pwd para sa kanilang konsultasyon.

Nagpapasalamat naman ang Aming Gobernador at Congressman sa walang pagsuporta sa kanila at lubos naman naming ikinatuwa ang kanilang adhikain at programa para sa lahat.

Dahil sa ganda din ng aming parke ay maraming mga bata at mga dayong tao na nagmula pa sa malalayong lugar ang pumupunta dito para mamasyal at magpapicture sa naturang lugar. Isa na dito ay ang malaking pangalan ng Manticao na nakatayo malapit sa reboltu ni Andress Bonifacio. Aliw na aliw ang mga bata dahil sa kanilang paglalaro dito sa lugar.

Napakalaking tulong para sa aming lahat dito sa lungsod ang pagsasagawa ng programa kahapon. Nagpapakita ito na hindi talaga kinalimutan ang mga pangako nila, ang maginhawa at ang pagtulong para sa kapwa mamayang Pilipino.

Bago ko tatapusin ang talaarawan ko para sa gabing ito ay nais kong imbitahan sina ate @jurich60, @jessmcwhite at @aehryanglee, at ang 25% na payout mula sa post kong ito ay ibabahagi ko sa @null.