Yaha itna milega aap ko faayda

Hello Dosto, Kal maine aap ko recuring deposit ke baare me bataya tha aap ne meri pichli post padhi hai ki nahi? Koi baat nahi agar nahi padhi hai to fir ( Ye piggy bank deta hai byaaj bhi ) yaha click kar ke aap meri wo post padh sakte hai. Iss post me maine iss ki bahut si jankaari di hai aur aaj usi ke baare me hum aage charcha karenge. Main aap se yahi kahna chahunga ki pahle aap meri wo post padh le fir iss post ko aage continue kare. 

img src

Jaisa ki maine aap ko kal bataya tha ye ek piggy bank ki tarah hai yaha aap chota amount invest kar sakte hai. Iss me compounding interest bhi milta hai. Main aap ko pahle hi bata chuka hoon ki compounding kiya hoti hai aur mujhe lagta hai aap ko iss ke baare me pata hi hoga. Chaliye ab charcha karte hai ki aap kitna daaloge to kitna tak profit ho sakta hai. 

Itna hoga faayda

Maan lijiye ki aap har roj ka 65 rupya invest karte hai. Main har roj ka bata raha hoon itna paisa to aaj kal bahut se log cigrete me aur chaai wagera peene me hi kharch kar dete hai. Jaise ki mere father unka garage hai waha jo bhi aata hai unko chaai pilaane le jaate hai aur iss me har roj ka unka 100 rupya se jyada kharcha ho jaata hai. 

Isi tarah sayad aap bhi honge aap ka bhi aisa hi kharcha hota hoga. Iss se achha hai ki aap post office me RD account khulwa le aur apna paisa iss me lagaate jaaye. Maan lijiye aap har roj ka 65 rupya lagate hai. Iss me aap ko 5 saal me 1 lakh 45 hazar rupya tak milega. Jiss me se aap ka apna paisa matlab principal 1 lakh 20 hazar rupya hoga. Matlab ki aap ko 25,000 rupya ka faayda hoga. 

Ek baar me mil jaayega amount

Ye amount aap ko ek baar me milega matlab ki agar aap ko ek baar me 1.50 lakh rupya tak amount mil jaaye to wo aap ke kaam hi aayega na. Iss ko aap thodi na chaai pee ke khatam karenge. Iss paise ko aap bacha ke rakhenge aur kisi dusre kaam me lagaayenge. Isliye to maine aap ko bataya hai piggy bank me paisa lagaane se achha hai iss me lagaaye. 

Jitna mujhe pata tha iss ka utna maine aap ko bata diya hai. Aap ko samajh me aa hi gaya hoga. Ab apni agli post me main aap ko kisi aur chij ke baare me bataunga. Abhi ke liye dhanyawad aur saudhan rahiye aur satarak rahiye.