Aaj to dho dala RCB ne

akshaykumar12257 (74)in #life • 5 years ago

Aaj to banglore ke dono khiladi bahut hi josh me najar aa rahe they. Aaj sota hua sher fir se jaag gaya hai. Aaj banglore ko pahli jeet milegi. Shuru ke 4 match haar gayi lekin paanchwa match apne naam jarur kar legi banglore ki team. Aur kyo na kare bhai aaj iss ne 205 run maare hai. Kolkata ki to aaj haalat kharab ho jaayegi.

Image source

Mujhe aaj pahle se hi pata tha ki RCB hi aaj jeetegi aur dekh lo waisa hi lag raha hai. Mujhe nahi lagta hai kolkata ki team me itna dum hai ki wo 205 run chase kar sake. Haan agar russell chal jaaye to mumkin hai lekin har baar russell chale aisa jaruri thodi na hai. Akhir wo russell hai naa ki warner jo har match me mast chalega. Ab bas thodi der me match shuru hoga kolkata ka.

Dekhte hai kolkata waale aaj 150 run bhi paar kar paate hai ki nahi. Mujhe nahi lagta hai ki aaj 150 run bhi maar paayenge. Kyo ki dekho target jyada ka mila hai aur wo shuru se hi maar ke khelna chahenge isi chakkar me wicket bhi jaldi girte jaayega. Fir team araam se haar jaayegi.

Virat aaj chaa gaye.
4 match me ye banda chala nahi lekin aaj kolkata me jam kar barsa hai. 4 match me bahut troll kiya tha logo ne iss ko lekin aaj sab ko iss ne muh tod jawaab diya hai. Chaliye abhi bhi iss ka chance hai play off me jaane ka. Yadi ye kam se kam 8 match jeet jaaye to araam se ye play off me pahuch jaayenge. Ab to lag raha hai virat apne form me aa gaye hai isliye hum bharosa kar sakte hai iss team par.

Image source

Aap ko kya lagta hai aage bhi achha khelenge banglore ki team ya fir bas aaj ke liye hi. Mujhe to lagta hai ab ye achha khelenge. Waise yaar iss ki team me bas virat aur villiers hi hai baaki ke koi player utna achha nahi khelte hai. Ye dono out huye to samjho team gayi lekin aaj out hi na huye dono ne jam kar dhoya hai kkr ke bowlers ko.

Villiers bhi aaj kaptaan ka pura saath diya.
Aaj dono hi khiladiyo ne niraash nahi kiya hai. Virat ka pura saath diya hai Villiers ne. Dono ne jam kar dhoya hai kkr ke bowlers ko. Virat ne 84 run banaye kuch run se chuk gaye century banaane se. Thoda sa aur rok ke khelte to sayad ho jaata lekin ye t20 match hai yaha rok ke nahi khela jaa sakta hai. Koi baat nahi yadi satak na laga to waise bhi bahut achha khela hai aur villiers ne bhi pura saath diya hai.