Bina Kohli ke team India kuch nahi.
Jab jab Virat Kohli team me nahi hote hai India ki haalat kharab ho jaati hai. Virat ke hater kahte hai ki Virat se kaptaani nahi hoti Rohit ko kaptaan banao. Ab aap dekh hi sakte ho ki rohit ki kaptaani me na to wo khud se khel paata hai aur na hi dusre player thik se khel paate hai. Virat kaptaan rahta hai to rohit bhi achha se khel paata hai ek dum tension free ho kar.
Image source
Lekin jab kaptaan rahta hai to tension rahta hai aur sahi se khel nahi paata hai. Kuch achha karne ke chakkar me kuch bhi nahi kar paata hai. Virat rahta hai to match dekhne me maja aata hai wo achha run banata hai aur kaptaani bhi thik hi karta hai lekin dhoni ke fans uske piche lage rahte hai.
Pata nahi dhoni ke fans virat se itna kyo jalte hai. Aap batao bhai aap bhi dhoni ke fan ho kya fir aap batao ki aap kyo virat se itna jalte ho. Uske jaisa abhi team me koi nahi hai wo consistent hai har match me run banata hai. 1-2 match me jaldi out ho jaata hai lekin baaki match me wo achha run banata hai. Kabhi kabhi mere dil me ye khayaal aata hai ki Virat iss baar world cup ka khele to kya hoga team India ka.
Rohit Sharma hai achhe batsmen.
Sharma ji ka ladka achha batsmen hai, yu hi log is ko hitman nahi kahte hai lekin hitman se kaptaani nahi ho paati hai. Wo thik se kaptaani nahi kar paata hai. Haan Dhoni thoda thik hai waise match agar hum jeette hai na to sab log dhoni ko hi credit dene lagte hai agar wo match khelta hai to.
Dhoni ke fans baai player ki thoda sa bhi respect nahi karte hai. Match agar team jeet jaaye to kahenge ki dusre to naam ke kaptaan hai asli kaptaani to waha dhoni kar raha hai wo bolte hai bowler ko aise ball karo to out ho jaata hai wo bhejta hai fielder ko ki wo waha jaao yaha aise fielding karo wagera wagera sab ko wahi batata hoon dusra kaptaan hone ke baad bhi.
Aisa dhoni ke fans log tab hi bolte hai jab match jeet jaate hai lekin jab match haar jaate hai to side se nikal jaate hai. Fir dhoni par koi kuch nahi bolta, match jeeta to dhoni ne jeetaya aur match haara to baaki team player ki galti thi aur dhoni ka wo naam bhi nahi lenge. Aakhir aisa kyo karte hai dhoni ke fans yaar kyo aise hai wo itne bhyanak fans kaise ban sakte hai wo ye mujhe samajh nahi aata hai.