Digital transaction badha humare desh me.

Bhaaiyo kya aap ko maloom 2 saal pahle jab notebandi hui thi uske baad se digital transaction me bhadotri hui hai. Sarkar humesha se chahti hai ki India ko digital India banaya jaaye aur log cash ka istemaal karna band kar de lekin abhi bhi log cash ka istemaal band nahi kar rahe hai. Cash ka istemaal to chal hi raha hai lekin ek faayda ho gaya hai ki digitral transaction bhi ho rahe hai. 

Image Source

Waise notebandi ne sab ki kamar tod di thi yaar. Lekin ek tarah se sahi hi hua tha. Ye jaruri bhi tha, bhale hi jitna paisa tha utna paisa bank me deposit ho gaya lekin fir bhi kayi jagah par paise jalaye bhi gaye hai. Kahi na kahi par maine ye news suna tha ki kaafi jagah par paise jalaaye gaye they bori bori aur kayi jagah par paise feke huye mile. 

Digital transaction badh gayi.
Pahle bahut hi kam log digital transaction kiya karte they. Sahi batau to main bhi nahi karta tha yaar. Lekin ab to jyadatar online hi payment karta hoon sab chij ka. Jaise electricity bill net bill gas bill water bill sab kuch ab online hi bharta hoon. Pahle ye sab nahi karta tha main sab cash me karta tha. 

Lekin ab main bhi digital transaction karne laga hoon. Pahle darr lagta tha hacking wagera ka lekin ab to sab kuch samajh gaya hoon isliye ab dikkat nahi hoti hai. Ab sab kuch achhe se pata hai mujhe aur saare payment safely kar leta hoon. 

Image Source

Aap bhi kare digital payment.
Main aap ko yahi salaah dunga ki aap bhi saare payment digital tarike se hi kiya kare. Ye safe bhi hai aur kayi saare offer bhi milte hai isliye mujhe ye achha lagta hai.