England aur New Zealand ke beech hoga akhri mukabla.
Haan to bhaaiyo aap log to jaante hi ho australia bahut hi buri tarah se hara apne semi final match me. Waise humari team se jyada buri tarah se nahi hara. Humari team ki haalat bahut hi jyada kharab thi aur wo aap khud achhe se jaante hai mujhe bataane ki jarurat nahi hai. Abhi bhi mujhe bada dukh ho raha hai sala maine socha tha iss baar ka world cup hum hi jeetenge lekin aisa ho nahi paaya.
Image source
Ab kya kar sakte hai koshish to humari team ne puri ki hi bas semi final me thoda piche rah gaye agar iss me bhi thoda achha se khelte to bhai jeet sakte they hum. Kya kare ab sochta hoon yaad nahi karunga lekin fir se yaad aa hi jaata hai. Socha ki sirf england aur new zealand ki baat karenge lekin kya batau bhai yaad aa hi jaata hai apni haar.
Bahut umeed lagaye baithe they aur bhai aise me haar jayenge to dukh ki baat to hai. Ab kya kar sakte hai dukh bahut hai ek banda to mar gaya yaar. Humare hi state ka tha wo dhoni jab out hua uske baad hi uske dukh me wo mar gaya bechara. Dhoni faltu me run le raha tha yaar jaan raha hai akela hai fir kya jaruri run lene ka yaar. Pata nahi kya soch kar waha run le raha tha aur ye saale opener log kya kahu main inka samajh nahi aata hai.
Kaun jeetega world cup?
Haan to bhai chodo apne team ka aur inka baat karte hai jo final me pahuch gaye hai. Muje lagta hai iss baar bhai england baazi maar jaayega. England ki team thik hai aur inme jeetne ki taakat hai isliye mujhe to iss baar in par hi bharosa hai. Lekin yaar main nahi dekhunga match ab kya karunga dekh kar sala India to hai hi nahi wo rahta to dekhta bhi lekin ab maja hi nahi aayega aur stadium bhi mujhe nahi lagta bharega.
Team India ke samarthako ke latke huye chahre dekho bhai log.
Dekh rahe ho ki nahi inke latke huye chahre dekh kar kitna kharab lag raha hai ye semi final match ka hai. Bechaare sab khushi se stadium gaye huye they match dekhne ke liye lekin inko kya pata tha ki aisa kuch ho jaayega. Sach me bahut hi jyada dukh hua tha yaar abhi bhi mujhe bura lag raha hai.
Abhi bhi sochta rahta hoon kaash India jeet jaati mast final match dekhte aur mast usme bhi jeet jaate. Lekin ab kya kar sakte hai aap hi batao yaara kya kare hum. Kuch kiya bhi to nahi jaa sakta hai na ab ho gaya to ho gaya ab kya kare mar jaaye kya re bhai hum.
Chaliye dekhte hai ab akhri baazi kaun maar paata hai. Kaun hai wo bhagyasali england ya fir wo hai new zealand. Jald hi pata chal jaayega kiss ke baaju me sab se jyada taakat hai.
You got a 91.53% upvote from @minnowvotes courtesy of @akshaykumar12257!