General waalo ke liye khusi ki baat
Bhaaiyo ab jaa ke sarkar ne general catogery waale ke baare me bhi kuch socha hai. Ab hum logo ko bhi sarkari nokri mil sakti hai. General waala ho kar sarkari nokri paana koi asaan kaam nahi hai. Bahut mushkil hota hai aur pahle to milta hi nahi tha lekin ab sarkar ne ek niyam banaya hai jiss ke tahat gareeb general catogery waale ko 10% reservation diya jaayega sarkari nokri me.
Image source
Chaliye der se hi sahi lekin kisi sarkar ne iss baare me socha to sahi. Sabhi general waale ameer thodi na hai jaise ki main, main bhi to gareeb hi hoon bhai agar Modi sarkar pahle aati to sayad mera bhi sarkari job hota lekin ab to time nikal gaya hai ab to taiyaari karne ka bhi koi faayda nahi hai kyo ki ab age paar ho gayi.
Kitne nokri ki jarurat.
Aap ko pata hai humare desh me abhi ke hisaab se har saal kitne nokri chahye. Humare desh me har saal 80 lakh nokri chahye. Ye mere banaaye aakde nahi hai bhai maine aaj news me dekha hai usi ka bata raha hoon main. Yadi 80 lakh nokri har saal berojgaaro ko mile to desh ki berojgaari khatam ho sakti hai.
90k nokri ke liye 3 crore awedan.
Aap ko yaad hi hoga pichle saal railway me 90k nokri nikli thi aur aap ko pata hai usme 3 crore logo ne apply kiya tha. Dekh rahe ho berojgaari ka aalam sala 90 hazar ke liye 3 crore logo ne apply kiya hai. Main bhi karne wala tha lekin main nahi kiya kyo ki main jaanta tha mujh se na ho paayega.
Image source
Main bhi abhi berojgar hoon yaar aap ko pata hai crypto currency na rahe to main bhi road me aa jaaunga aur ye Modi sarkar crypto currency ban karna chahti hai. Batao kuch berojgaar jo crypto currency se kuch kama rahe hai unko bhi berojgaar karna chahti hai pata nahi inko akhir problem kiya hai crypto currency se yaar.
Suna hai iss saal puri tarah se band ho jaayegi na to iss ki bikri hogi aur na hi koi kharid paayega. Pata nahi sarkar ko kya problem hai crypto currency se. Steem ka rate bhi nahi badh raha hai ki sale kar ke koi aur business shuru karu bas intezaar me laga hoon ki kab rate badhega.