Humari desh ki currency ka haal behaal ho gaya

Bhaaiyo aaj maine kya dekh liya yaar. Sala Indian rupees dollar ke mukaable 74 ka ho gaya hai. Batao yaar ye to kuch jyada hi ho gaya hai. Itna jaayega maine kabhi socha bhi nahi tha yaar. Maine socha tha Modi ji PM ban jaayenge to rupya 40 ka ho jaayega lekin yaha to sala ulta hi ho gaya yaar.  Ye dekhiye rupya ki kya value ho gayi hai. 

Maine kabhi ye kalpana bhi nahi ki thi yaar ki rupya itna bhayanak girega, Main to Modi ka bhakt nahi hoon lekin fir bhi mujhe itna bharosa to tha ki Modi ji aayenge to kuch na kuch jarur karenge aur rupya ko fir se majboot karenge. Lekin aisa kuch bhi na hua yaar meri to umeedo par paani hi fir gaya. 

Petrol ka daam to badh hi raha tha lekin ab petrol ka daam kam karne ke announcement ho chuki hai. Lekin mujhe yaad hai ek baar Arun Jaitley ne kaha tha ki petrol ke daam kam karna humare upar nahi hai. Petrol ke daam aise hi rahenge lekin ab mujhe ye samajh nahi aa raha hai ki wo petrol ke daam 2.50 rupya kam kaise kar rahe. 

Batao khud hi kahte hai ki petrol ke daam kam karna humare haath me nahi hai lekin ab khud hi petrol ke daam kam kar rahe hai. Sab politics hai bhaiyya sab politics hai. Arun Jaitley ji achhe se jaante hai ki chunaau aane wala hai. 

Image Source

Aur bhai log aap ne to ye kahawat suni hi hogi na jab gareeb ki thaali me pulaao aaya samjho ki desh me chunaao aaya. Bas yahi hai Arun ji achhe se jaante hai chunaao aa raha hai aur petrol ke daam kam karna unki majboori ho gayi hai warna lene ke dene pad sakte hai.