Iss baar najar aayenge Warner.
Pichle saal David Warner indian premiere league nahi khel paaye they. Aap agar cricket ke fan nahi bhi honge to bhi mujhe lagta hai aap ko pata hai. Bahut charcha hui thi jab unko aur Smith ko 1 saal ke liye ban kar diya tha Australia cricket team ne. Uske baad BCCI ne bhi pichle IPL se dono ko ban kar diya tha. Lekin iss saal IPL me dono najar aayenge.
Image source
Fir se kaptaani sambhalenge Warner.
Ji haan bhaaiyo fir se warner hi kaptaan rahenge. Pichle saal wo nahi they to unki jagah kar kane williamson ko liya gaya tha. Waise ye utne achha ballebaaj nahi hai lekin inki kaptaani achhi thi. Team ko last tak leke bhi gaye they lekin fir CSK se haar gaye. Waise inki team me bas bowling hi majboot thi aur batting bahut jyada kamjor thi iss wajah se match me achhe se tik nahi paate they.
Iss ke bawjood ye last tak khele they lekin fir haar gaye aur champian tisri baar Chennai ban gayi. 23 March se IPL shuru ho raha hai aur mujhe ipl ka besabri se intezaar hai. World cup ke baad koi dusra pasand hai mujhe to wo hai IPL. Main koi bhi match miss nahi karta hoon aur saare match dekhta hoon.
2016 me bani thi champion.
Warner ne apni kaptaani me 2016 me Hyderabad ko jeet dilwaayi thi. Uss saal unki batting bhi bahut achhi thi aur tabhi to wo bowler Rashid Khan bhi nahi tha. Waise pichle saal ye banda chaa gaya tha yaar sab ke dilo me bas gaya tha aur isi ne 2nd quarter me kolkata ki kah ke le li thi. Yahi banda wajah hai kolkata ka match haarne ka.
9 crore me bike hai Rashid Khan.
Pichle saal ki kimat kam thi lekin iss saal ye banda 9 crore me bika hai. Wahi team ke kaptaan david warner sab se mahnga 12.50 crore me bike hai. Iss ke baad Manish pandey 11 crore me bike hai. Pata nahi ye banda itna mehnga me kaise bik gaya yaar. Ye to achha khelta bhi nahi hai pichle saal bahut bekaar khela tha iss ne. Waise pichle saal se pahle ye KKR me khelta tha lekin kolkata ne pichle saal iss ko liya nahi.
Iss ke alawa Bhuvneshwar Kumar bhi mehnga me bike hai. Ye banda 8.50 crore me bika hai. Kaash bachpan me bhi cricket premi hota to aaj main bhi aise hi kisi list me hota aur mast kama raha hota. Batao yaar kuch match khel kar ye itna kama lenge saath me five star hotel me rahenge aur mast udhar khaayenge kitni achhi jindagi hai inki.
To listen to the audio version of this article click on the play image.
Brought to you by @tts. If you find it useful please consider upvoting this reply.