Kab tak aisa chalta rahega

akshaykumar12257 (74)in #life • 5 years ago

Aaj to bahut bura hua hai yaar aaj fir se ek atankwaadi hamla hua hai lekin iss baar New Zealand me hua hai. Waha pe 2 masjid me 2 log gun le kar ghus gaye aur sab ko dhadha dhad goli maarne lage. Kul mila kar 49 logo ki jaan gayi hai aur kayi log ghaayal ho gaye hai. Kaise maja aata hai yaar logo ki kisi nihatte insaan ko maarne me. Pata nahi inko akhir milta kya hai kisi ko iss tarah maarne me.

Image source

Aaj friday tha aur iss din muslim log prayer karte hai adhiktar log masjid me hote hai. Isi din atankwadiyo ne chuna aur sab ko goli maarna shuru kar diya. 49 logo ki ab tak jaane chali gayi hai aur kayi log ghaayal hai aur ab sayad aur logo bhi mar sakte hai. Kyo ki bahut se log ghambhir roop se ghaayal hai.

Jo bhi hua bahut galat hua jiss admi ne kiya hai uska naam main bhul gaya. Uska kahna hai ki ye muslim log dusre desh se yaha aate hai aur bas jaate hai aur apna law chalaane lagte hai. Wo banda khud australia ka tha aur new zealand me aa ke ye kaand kiya hai.

Bangladesh ke khiladi usi masjid me they.

NZ aur Ban ka match chal raha tha lekin ab wo match bhi cancel kar diya gaya hai. Sab se badi baat to ye ki usi masjid me jaha attack hua usi masjid me bangladesh ke tamaam khiladi namaz padh rahe they. Lekin unme se kisi ko kuch nahi hua wo sabhi log surakshit hai. Sabhi match cancel kar ke ab wapis aa rahe hai.

Image source

Chalo inki kismat achhi thi ki ye bach gaye. Usi masjid me they jiss masjid me attack hua aur wo banda jo attack kar raha tha usne facebook live kar rakhi thi aur sab ko goli maarta gaya. Kaisa aadmi tha yaar sala kaise kaise log hai iss duniya me aise hi maarte kaatte sab ek din khatam ho jaayenge apas me mil jul kar yaha koi rahna hi nahi jaanta hai bas ladte bhidte rahte hai.

Akhir ye dharm banaya kiss ne hai samajh nahi aata. Itne saare dharm sala aaye kaise yaar agar ek hi dharm hota to sayad aaj itna ladayi na hoti. Ab kya kar sakte hai jo hona hai wo to hoga hi aur mujhe na lagta ye sab kabhi thik hone wala hai jab tak ye prithvi khatam na ho jaaye.