Kya haar jaayenge aaj
Aap sabhi log match dekh rahe ho ki nahi aaj to lagta hai hum haar jaayenge. Ab tak 157 run ban chuke hai aur 1 hi wicket gira hai. Ye banda Usman Khawaja jaldi out nahi hota hai. Australia team ka captain to bahut jaldi out ho jaata hai lekin ye out hone ka naam hi nahi leta hai. Aaj lagta hai hum match haar jaayenge yaar aur aaj haare to fir series bhi humare haath se chali jaayegi.
Ye sach me bezzati ki baat hai abhi unki team me warner aur smith bhi nahi hai fir bhi hum match haar jaayenge. Yadi wo team me aagaye tab kya hoga aap jaante hi ho. Fir inki team aur jyada majboot ban jaayegi aur mujhe to lagta hai iss saal ka world cup bhi australia hi jeetaga. Inki team bahut jyada majboot hai. Bahut achha khelte hai ye log isliye to sab se jyada baar world cup australia team ne hi jeeta hai.
Aaj bhi Dhoni team me nahi hai aap khud hi dekh sakte hai.
Yadi match haar gaye to dhoni ke fans bolenge ki bina dhoni ke match nahi jeet paayenge. Main bhi chahta tha ki dhoni khele yaar warna haarenge to dhoni ke fans uchalne lagenge aur kahenge ki dhoni nahi khelega to haarenge hi. Yadi dhoni khelta aur haar jaate to fir dusre player me kaamiya nikaalte sab. Bhale hi dhoni ne 50 ball me 10 run maara ho fir bhi dhoni ko thoda bhi blame nahi karte.
Sab se jyada chutiya fans dhoni ke hi hai. Main bhi pahle dhoni ka fan tha lekin ab dhoni ki fans ki wajah se main uska fan nahi raha. Uske fans ke hisaab se team me dusra koi player hai hi nahi bas dhoni hi team ko jitata hai. Dhoni ke alawa koi dusra player ko respect hi nahi dete hai dhoni ke fans.
Pata nahi aisa kyo karte hai lekin unka aisa ravaiyya mujhe bilkul bhi pasand nahi aata hai. Ab kya kare kuch logo ki fitrat hi aisi hoti hai. Aaj dhoni nahi khel raha hai aur yadi match haar gaye to fir social media me dekhna. Dhoni ke fans bahut jyada abuse karenge virat kohli ko. Sala virat ke jaisa koi batsmen nahi hai abhi lekin fir bhi unko sunaayenge aur kahenge virat ko baitha do aur dhoni ko khilaao sala inko cricket ki samajh nahi bas apne player ko khilana hai.