Sharma ji launde ne kal kamaal kar diya
Kal ke match me sharma ji launde ne kamaal hi kar diya. 122 run thok diye bande ne. Waise ipl me chala nahi tha aur warm up match me bhi chala nahi tha lekin world cup me mast chala aur yahi kamaal ki baat hai. Ek dum kal dil khush kar diya hai sharma ji ke launde ne mera to. Aisa hi khelta rahega to fir bhai log hume world cup jeetne se koi rok nahi sakta hai.
Image source
Baaki bowlers ki to tareef karni chahye. Humare gendbaaj hi they jo itna kam ka target mila warna target bahut jyada hona tha. Khair match hum asaani se jeet gaye. Jiss me bowlers ka bhi bada haath raha hai. Sab se jyada wicket chahal ne liya hai ye banda mujhe sahi nahi lagta lekin fir bhi world cup me khel raha hai aur mast bowling bhi kar raha hai. Iss ki gend me russell bahut chakke lagata hai dekhte hai uske saath match me kya haal hota hai.
Filhaal to west indies waale australia ko haraa rahe hai. 4 wicket gir gaye hai wo bhi kewal 40 run me hi. Bahut achhi gendbaaji kar rahe hai west indies waale. Dekhte hai ab kya hota hai aage.
Dhoni ne bhi achha khela.
Kal to bhaiyya dhoni ne bhi achha khela lekin afsos finishing ka credit nahi le paaye uss se pahle hi out ho gaye. Kal agar dhoni finish karta to fir rohit sharma ko sab bhool jaate aur chillaane lagte. Dhoni ne finish kiya apne style me. Iss ka english to aap jaante hi honge. Chalo achha hai banda pahle hi out ho gaya warna match ka sara credit dhoni ko hi mil jaata aur bechara rohit muh dekhta rah jaata.
Bumrah ne kamaal ki bowling ki.
Iss bande ko kon nahi jaanta aur kon iss ki bowling ka pasand nahi karta hai. Yahi ek bada kaaran hai mumbai ke 4 baar khitaab jeetne ka IPL me. Bahut achhi bowling karta hai ye banda aur mujhe bahut jyada pasand hai. Kal bhi iss ne 2 wicket liye aur 10 over me kewal 25 run hi diye. Iss ke alawa ek over maiden bhi feka hai iss bande ne. Yahi to khaasiyat hai iss bande ki.
Ab agla match India ka australia ke saath hone wala hai Sunday ko. Dekhna ye hai ki unse jeet paati hai ki nahi team India. Ye south africa to kamjor team hai inse to pakistan bhi jeet jaayega. Lekin australia se jeetna asaan nahi hoga. Waise aaj haalat kharab hai australia ki. Khair dekhte hai ab aage kya hota hai kon 9 tareekh ko India ka match hai.
You got a 56.78% upvote from @minnowvotes courtesy of @akshaykumar12257!