Una sa lahat, maraming salamat sa pagsali sa aking patimpalak, boss.
Kaunti lang ang alam ko sa kwentong pag-ibig mo, at iyon nga ay ang nabigo ka at ipinagpalit sa iba. Kaya naman nacu-curious din ako kung paano mo ini-handle ang pangyayaring iyon at kung paano ka nakabangon. Kasi alam na alam kong madali lang sabihing "mag-move on ka na", pero sobrang hirap gawin at panindigan.
Ang nagustuhan ko rito sa kwento mo ay ang pagiging spontaneous mo rito. Alam kong marami ka pang gustong sabihin pero ayun nga, kapos sa word count. Pero naibuod mo naman din nang maayos ang karanasan mo at naihatid mo ang mensaheng gusto mong ihatid sa amin. Masaya ako na kahit papaano, hindi nagtagal na ganoon 'yung bisyo mo at naagapan pa rin. Hindi rin naman kasi kita masisi dahil naging paraan mo naman iyon para maibaling ang atensyon mo sa iba pati na rin iyong sakit na nararamdaman mo sa karanasang iyon. Ibig lang din kasing sabihin n'on na gusto mo lang matulungan ang sarili mong makalimot at mag-move on. Hopefully, matagpuan mo na ang babaeng para talaga sa iyo. Huwag mawalan ng pag-asa dahil masarap pa rin namang magmahal at mahalin. ❤❤❤
Muli, maraming salamat sa pagsali. 😊