အဆောင်များ

မိမိ၏ သားငယ် သမီးငယ်များ အချိန်တန်လို့ ကိုးတန်း ဆယ်တန်းအရွှယ် ရောက်လာပြီဆိုပါက အဆောင်ဆိုသော နေရာများသို့ ပို့ဆောင်ကြလေသည် ။ ပညာရေး အတွက် ဖြစ်ပေမဲ့ ထိုသို့ ပြုလုပ်ရာတွင် မိမိသားသမီး၏ ခံနိုင်ရည်အားလည်း ဆန်းစစ်သင့်သည် ထင်ပါသည် ။ အချို့ အဆောင်များမှာ အနေချောင်သော်လည်း ။ အချို့ အနေမချောင်သော နေရာများတွင် ဆိုလျှင် မိမိသားသမီးများမှာ ခံနိုင်ရည် မရှိလျှင် အခက်တွေ့ကြလိမ့်မည် ထင်ပါသည် ။

ထို အဆောင်ဆိုသော နေရာအား ရင်းနီးသော်လည်း မနေခဲ့ဖူးပါ ။ ကျူရှင်သာလျှင် တက်ဖူးပြီး အဆောင် နှစ်ရက်သုံးရက်ခန့် ခဏနေကြည့်သည်ပင် အဆင်မပြေသဖြင့် မနေခဲ့ပါ ။ ကိုယ်နေသော အဆောင်မှာ အရမ်းကြီး မတင်းကြပ်ပေမဲ့ အိပ်ရေးပျက်တတ်သော ထိုအဆောင်ဆိုသော နေရာတွင် မနေဖြစ်ခဲ့ပါ ။ မိမိ၏ သားသမီးအား အောင်မြင်စေချင်သည် မှန်သော်လည်း အချို့နေရာများတွင် သားသမီးများအတွက် ဒုက္ခ ဖြစ်နေတတ်သည်လည်း ရှိနိုင်ပါသည် ။ အချို့ အဆောင်များတွင်ကား စာမေးပွဲ အောင်ရန်ကိုသာ ဦးစားပေးတတ်သည် ထင်ပါသည် ။

ကိုယ်ကိုယ်တိုင် ကြုံတွေ့ရသည် မဟုတ်သဖြင့် အတိအကျတော့ မှန်ကန်ပါသည်ဟု အာမမခံနိုင်ပါ ။ အဆောင်လား ကိုယ်ပိုင်ကျောင်း လားတော့ မသိ အဆောင်ဘဲ ဆိုပါစို့ ။ ကိုးတန်းအထိ အတူနေသူ သူငယ်ချင်းတစ်ယောက်အား သူ့မိဘများက အမှတ်များများနှင့် အောင်စေချင်သည် ထင်ပါသည် ။ နာမည်ကြီး ဈေးကြီးသော မြို့ကြီးမှ အဆောင်တစ်ခုသို့ပို့လေသည် ။ အဆောင်တွင် အိပ်ယာထချိန် မထဖြစ်ခြင်း စာကျက်ချိန် စာကျက်ရန်နေရာ မရောက်ခြင်း စာမရခြင်း စသော အပြစ်တို့အတွက် ကြာပွတ်ကောင်းကောင်းကို အင်္ကျီချွတ် အဆော်ခံရသည် ဆိုပါသည် ။ အတော်အတန် ဝဝဖြိုးဖြိုးရှိသော သူ ပြန်လာတော့ အရိုးပေါ် အရေတင် ဖြစ်လာသည် ။ ဝိတ်လျှော့လိုသူများ ထိုနေရာမျိုးနှင့် အဆင်ပြေနိုင်ပါသည် ။

ထိုသို့သော ဒဏ်ရာများကို ခံနိုင်ရည်ရှိမည်လား တင်းကျပ်သော စည်းကမ်းများကို ခံနိုင်ရည် ရှိမည်လား ဟူသည်ကို ပြန်လည်စဉ်းစားဖို့ လိုအပ်ပါမည် ။ ပြင်ပဒါဏ်ရာများအား ကုသ ပျောက်ကင်းနိုင်သော်လည်း အတွင်းတွင် ထိခိုက်သည်များ စိတ်ဒဏ်ရာများ ဖြစ်လာခဲ့လျှင်ခက်ချေမည် ။ သူတို့လူပေါင်းများစွာကို သင်ကြားနေသည်ဆိုသည်ကို လက်ခံနိုင်သော်လည်း လူတစ်ဦးနှင့် တစ်ဦး ခံနိုင်ရည်ချင်း မတူညီကြပါ ။ အိမ်တွင်ပင် မကြာခဏ ဖျားနာတတ်သူ ကျန်းမာရေး မကောင်းသူ တစ်ယောက် အဆောင်ထားခဲ့သည် ။ အဆောင်တွင်လည်း တစ်ရှောင်ရှောင် ဆိုသည် ။ ထို့နောက် စာမေးပွဲဖြေပြီးချိန်မှာတော့ အိပ်ယာထဲ လဲလေတော့သည် ။ စာမေးပွဲတော့ ဖြေနိုင်လိုက်သေးသည် ။ သို့သော် ကလေးမှာ အသက်ပြန်မရှင်လာတော့ ပေ ငါးဘာသာသော ဂုဏ်ထူးဖြင့် အောင်ခဲ့သည်ကိုပင် သိခွင့် မရရှာတော့ ။ထိုသို့ဖြစ်လာပါက ထိုသို့အောင်ခဲ့သော စာမေးပွဲသည် ဘာများသုံးစား၍ရဦးမည်နည်း ။ ထို့ကြောင့် မနိုင်ဝန်အား အတင်းအကြပ် ထမ်းဆောင်စေခြင်းလဲ မဖြစ်သင့်ဟူ၍ ထင်မိပါသည် ။

နောက်တစ်ခုက ကောင်မလေး တစ်ယောက်အကြောင်းပါ ။ မိဘများမှ စည်းကမ်းကောင်းပါသည်ဆိုသော အဆောင်ကို ကုန်ကျစရိတ်များစွာဖြင့် ရွှေးထားခဲ့သည် ။ အိမ်တွင် အလိုလိုက်ခံရသမျှ ဟိုမှာ အိမ်နှင့်လုံးဝ မတူနိုင် ။ အလွန်တော်သော သူမ ယခုအချိန်တွင် ယာဉ်ယာဉ်လေး စိတ်ဖောက်နေပါသည် ။ သူ့ကို နင်ဂေါက်နေတယ်လို့ပြောရင် အကိုက်ခံရဖို့သေချာနေပါပြီ ။

ကဲ ဒီလောက်ပါဘဲလေ ဟုတ်သော်ရှိ မဟုတ်သော်ရှိ ရေးပြီးပြီ အဆာင်ထားမယ်ဆို ဟင်းကောင်းတာလေးတွေ ပို့ဖို့လဲ မမေ့နဲ့နော် ပို့ရင်လဲ သူငယ်ချင်းများနှင့် မျှစားမှာပါ တစ်ခါတည်းတွက်ပါ ။ တော်ကြာ ချဉ်ပေါင်နေ့တိုင်းစားပြီး အစာအိမ်ထဲ အချဉ်တွေပြည့်နေမှာ စိုးလို့ပါ ။ ဒါနဲ့ ပုံတွေ မထည့်ထားတော့ဘူးနော် ညင်ညင်သာသာ သင်တဲ့ ပုံတွေဘဲရှိတယ် အားကျစရာ အလွန်ကောင်းပါတယ် ။ ဒါပေမဲ့ လက်တွေ့မှာ ညင်ညင်သာသာ မဟုတ်တဲ့ နေရာတွေ ကိုယ်တွေ နေထိုင်ရာမှာ အများကြီး ရှိတယ်ဆိုတာ သိသာပါတယ်လေ ။

MSC - 9

@domelay (အတွေးမျှင်လေးများ)