မိုးရယ် အချစ်ရယ် ကြေးအိုးရယ်

မိုးရာသီ တဲ့လားကွယ် ချမ်းလိုက်တာတကတည်း။
ကောင်းကင်က အုံ့မှိုင်းမှိုင်း မိုးလေးက တစ်ပြိုက်
ပြိုက် လွမ်းစရာကောင်းလှပါသည်။ မိုးမှုန်ကြား
လေအဝှေ့ မှာ သယ်ဆောင်ပါလာသည့် မိုးစက်မှုန်
တို့က သိမ့်ကနဲ့ တုန်ကနဲ့ အပျိုဖြန်းလေး ချစ်သူနဲ့
ချိန်းတွေ့ ရသလို ဘာလိုလို ညာလိုလိုကြီးပါကွယ်။
အေးချက် ချမ်းချက်ကိုပြောတာပါ။ တစ်မျိုးထင်မှာစိုးတယ် မိုးရွာလို့အေးပါသကွယ်။

တစ်မျိုးညာနွဲ့သွေမဖယ် စိုးပါနဲ့မေရယ်က ဆရာ
နွမ်ဂျာသိုင်းဝတ္ထု။ မိုးအေးအေး ဝတ္ထု ကောင်း
ကောင်းလေးဖတ်ရမလား၊ ဇာတ်ကားကောင်းလေး
များကြည့်ရမလား။ ငယ်စဉ်တုန်းကတော့ မိုးရေထဲ
ပြေးလွှားဆော့ကစားခဲ့ရတာ အရသာတစ်ခု။
အဲ့အရသာက ခုထိရှိတုန်း။ ခြေချောင်းလေးတွေ
ကြား သဲဝဲစားတာ ရေထိရင်စပ်ဖျင်းဖျင်း။မိုးရာသီ
ဖီလင်တဲ့။ သူများတကာတွေရေးတာ အားကျအတုယူစရာ။ ကိုယ်လည်း ရေးချင်တာပေါ့ သူများ
တွေလိုရေးမယ်စိတ်ကူးတော့ ကလေးကလားများ
ဖြစ်မလား။

ရေးစရာက ရင်ခုန်စရာ ရှိမှ ပိုရေးကောင်းမှာပါ။
ခုတော့ မိုးရာသီ အတွက်ရင်ခုန်စရာက ရမ်းတုတ်ပြီး
ဖီးလ်ရမလား ခံစားရမလား။ သူများတွေနည်းနည်း
မှအထင်ကြီးကြီး ရွှီးလိုက် ရေးလိုက်မည်လို့
အတွေးဝင်နေတုန်း။

”ဘာ..နင်ပဲ ချစ်တယ်ဆို အံမလေး ငါက
ဓူဝံကြယ်ယူခိုင်းတာလဲမဟုတ်ဘူး၊ အိုင်ဖုန်း
ဝယ်ခိုင်းတာလဲမဟုတ်ဘူး၊ ဝိန့်စိန်က ရွှေဝယ်ခိုင်း
တာလဲ မဟုတ်ဘူး မိုးအေးအေးနဲ့ ကြေးအိုးလေးစားချင်လို့ ရွှေတောင်တန်းက ဖြစ်ဖြစ် ykko ကဖြစ်ဖြစ်
ဝယ်ကျွေးခိုင်းတာပါဟဲ့”

ကျုပ်တူမရယ် သုံးထပ်သားခြားထားတဲ့ တစ်ဖက်
ခန်းကနေ သူအဆက်နဲ့ဖုန်းပြောနေတာ။

”ဟဲ့ ငါအများကြီးတောင်းဆိုနေတာဟုတ်ဘူးနော်
ကျွေးမှာလား မကျွေးဘူးလားပြော နင်မကျွေးရင်
ကျွေးမယ့်သူတွေရှိတယ်နော်”

အံမယ် ကြေးအိုးသောက်ချင်တာ ရိုးရိုးမပြောဘူး
ခြိမ်းခြောက်မှုတွေနဲ့ပါလား။ ဒီမှာ မိုးရာသီဖီလင်
လေး အမှန်အကန်ရေးမလို့ပါဆို။ သူတို့ပြောနေမှ
ကိုယ်တောင် ကြေးအိုးသောက်ချင်လာမိပေါ့။
အတော်ဆိုးတဲ့ကလေးတွေ ဖုန်းပြောတာကို
နှစ်ကိုယ်ကြားပြောကြတာဟုတ်ဘူး။ ကိုယ့်တောင်
ကြေးအိုးမှုပတ်လာပြီ။

ခေတ်ကာလ သားသမီးတွေများ ရည်းစား
စကားပြောတာ ကြားရတာ ဗိုက်ဆာလိုက်တာ
အဲမှားလို့ရည်စား စကားပြောတာ ရိုမဆန်လိုက်ပုံများပြောပါတယ်။ မိုးတွေရွာနေတယ်ကွယ်
လွမ်းတာ ဘာညာပေါ့။ ခုတော့ဟုတ်ဘူး မိုးရွာလို့
ကြေးအိုးပူပူလေးသောက်ချင်သတဲ့။ အင်း ပြောလို့သာပြောရတာ မိုးတွေက အပြင်ဖက်မှာရွာ၊ ရာသီဥတုအေးအေးလေးမှာ ကြေးအိုးပူပူလေး
သောက်ပြီးတစ်ယောက်မျက်နှာ တစ်ယောက်
ကြည့်ပြီး..အင်း..အင်း.. ဒါလဲ ရိုဆန်တာပါပဲလေ။

ကြေးအိုး ဆို၍ ငယ်စဉ်က ကြေးအိုးကြီးနဲ့ရောင်းတာလားလို့ထင်ခဲ့မိသည်။ ကြေးအိုးခွက်ကြီးထဲသို့
ကြက်ရိုး ဝက်ရိုးပြုတ်ရည်များဖြင့် ကြာဇံ ဆန်ပြား
များထည့်သည်။ ကြက်သား၊ ဝက်သား၊ ငုံဥ၊
ကြက်ဥများ၊ ငါးဖယ်တုံးများနှင့် မုံညင်းရွက်များထည့်
၍ ပူပူလေးသောက်ရသည် ဟု ငယ်စဉ်က
ကြေးအိုးကို ပုံဖော်ကြည့်မိသည်။ ငယ်စဉ်က
ကြေးအိုးသောက်ရသည်မှာ အင်မတန်မှ
အရသာရှိလှပေသည်။

စဉ်းစားကြည့်တော့ သူတို့ခေတ်က ပိုပြီးလက်တွေ့ ကျနေသလိုပဲနော်။ ခေတ်ကလေးတွေ ကျုပ်တို့ထက်
သာသွားပြန်ပါရော။ ကျုပ်တို့လိုသာဆိုရင် ထမင်း
ဟင်းမေ့ မေးထောက်ရင်း အပြင်ဖက်က မိုးရေတွေ
ကြည့်ပြီး လွမ်းနေလိုက်မယ်ဖြစ်ခြင်း။ အဲ သူတို့
ခေတ်က သာဆို ကျုပ်တို့ထက် အစစ အရာရာကြီးကိုသာသဗျို့။ မနာလိုစရာကို ကုသိုလ်ကံကောင်း
ကြတာလား။ ကျုပ်တို့ခေတ်က တစ်မြို့တစ်ရွာက
ချစ်သူဆီ စာရေးလိုက်ရတာကအမော။ ဖုန်းဆက်ဖို့ကသူဖက် ကိုယ့်ဖက် ဖုန်းအဆင်ပြေကြပါမှ စကားသံလေးကြားရတာ။

ခုခေတ်ကလေးတွေများ အချိန်မရွေး ကြိုက်တဲ့
အချိန်ဖုန်းဆက်၊ အံမယ် လူချင်းတွေ့နေသလိုကို
ဗီဒီယိုကောလ် ခေါ်လို့ရသေးဗျာ။ ဒါကြောင့် ...
ဒါတွေများကြောင့်ပဲလား စဉ်းစားမိတာပါ။
သူတို့လေးတွေခေတ်က အချစ်ကို အလွယ်တကူ
ရရှိပြီး တန်ဘိုးမထားကြသလား။ ခုကြိုက် ခုတွဲ
ခုယူ ခုကွဲကြလေရောသလားဗျာ။ မိုးအေးအေးနဲ့
ဘာရယ်ဟုတ်ဘူး ပေါ်လာတာလေး ရေးကြည့်
မိတာပါ။ မိုးအေးအေးမှာ ပူပူနွေးနွေး အချစ်ကလေး
အဲ... ပူပူနွေးနွေး အစားအစာများ စားသုံးရင်း
ကျန်းမာကြပါစေ...။

Author @htwegyi
Photo @htwegyi
MSC.036