စာတွေဘာကြောင့်ဖတ်

in #myanmar5 years ago (edited)

image

လူတွေကို စာမဖတ်ကြလို့ စာဖတ်ကြဖို့တိုက်တွန်းနေကြရတာဟာ အကြောင်းရှိပါတယ်။ ဒီအကြောင်း မဆွေးနွေးခင် စာဖတ်ခြင်း (၃)မျိုးကိုအရင်ပြောပြချင်ပါတယ်။

၁။ ဗဟုသုတအတွက်စာဖတ်ခြင်း

၂။ အလုပ်အတွက်စာဖတ်ခြင်း နဲ့

၃။ ပညာအတွက်စာဖတ်ခြင်းဆိုပြီး (၃)မျိုးရှိပါတယ်။

ကျွန်တော်တို့ဘယ်လောက်ပဲစာမဖတ်ဖူးဆိုဆို နံပါတ်(၂)မှာဖေါ်ပြထားတဲ့ အလုပ်အတွက်စာဖတ်ခြင်းကိုပြု လုပ်ကြရပါတယ်။ စာမဖတ်ရင် လက်မှတ်ထိုးတာကအစလွဲကုန်တော့မှာမို့ပါ။ ဒါတောင်အချို့ အရာရှိကြီးများ စာဖတ်ချိန်မရလို့ တင်လာသမျှစာတွေဖတ်မကြည့်ပဲ၊ လက်မှတ်တွေထိုင်ထိုးနေပြီး သူနယ်ပြောင်းလိုက်တဲ့ တစ်ယောက်ကို သူ့ရုံးပြန်လာခွင့်ပြုဖို့တင်ထားတဲ့စာမှာ ခွင့်ပြုသည်လို့ရေးပြီးလက်မှတ်ထိုးမိလို့ ၊အဲဒီတစ် ယောက်ပြန်ရောက်လာတော့မှ “မင်းကဘယ်လိုပြန်ရောက်လာတာလဲမေး၊ ဆရာခွင့်ပြုတာပဲလေလို့ပြော၊ လက်မှတ်ထိုးတာ ပြတော့မှ သူမကြည့်ပဲလက်မှတ်ထိုးခဲ့တာကို သိသွားတဲ့သူလည်းကြားခဲဖူးပါတယ်။ သို့ သော်လည်းအဓိကပြောချင်တာပါတော့ ဗဟုသုတအတွက်စာဖတ်ခြင်း နဲ့ပညာအတွက်စာဖတ်ခြင်း(၂)မျိုးပါ။ ဒီတော့ ဗဟုသုတအတွက်စာဖတ်ခြင်းလို့ဆိုရင် အင်္ဂလိပ်လို General Knowledge ပေါ့နော်။ အထွေထွေ ဗဟုသုတခေါ်တာပေါ့။ ဆိုတော့ အထွေထွေလို့ပြောထားတဲ့အတွက် ပညာရပ်ဆိုင်ရာသာဖတ်ရမယ်ဆိုတဲ့ ကန့်သတ်ချက်လုပ်ထားလို့မရတော့ဘူး။ စာဖတ်ကြပါ။ ဟုတ်ကဲ့ ဘာစာဖတ်ဖတ် ဖတ်ကြပါ။ဒီလိုပေါ့နော်။ ဖြစ်သင့်တယ့်။ စာဖတ်ကြပါပြောပြီး နည်းပညာဆိုင်ရာပဲဖတ်ကြပါဆိုတာက ဘောင်ခတ်လိုက်တာပေါ့နော်။ အလိုလိုမှ ကျွန်တော်တို့မြန်မာတွေ စာမဖတ်ကြလို့ စာဖတ်ကြပါလို့တွန်းတွန်းတိုက်တိုက်ပြန်ပြီး လုပ်နေရ ပါတယ်ဆိုမှ ကန့်သတ်ချက်ကတစ်ခါပါနေပြန်ရင် ဘယ်သူကဖတ်ချင်တော့မလဲ။ ဘယ်သူမှဖတ်ချင်ကြမှာ မဟုတ်ပါဘူး။ ဒါမျိုးကအမိန့်နဲ့သွားလိုရတဲ့အရာမျိုးလည်းမဟုတ်ပါဘူး။ဒါကြောင့်ကျွန်တော့အမြင်အရတော့ အထွေထွေဗဟုသုတအတွက်စာဖတ်စေချင်ရင် အထွေထွေပဲလုပ်ပါ။ ကန့်သတ်ချက်တွေမပါစေချင်ပါဘူး။

နောက်တစ်ခုကတော့ ပညာအတွက်စာဖတ်ခြင်းပါ။ ကျွန်တော်တို့ကျောင်းသားဘဝက စာတွေဖတ်ခဲ့ကြရ တာဟာ ပညာအတွက်စာဖတ်ခြင်းပါပဲ။ ဒါကတော့ ကန့်သတ်ချက်နဲ့သွားရတာပါ။ သက်ဆိုင်ရာ မေဂျာ အလိုက်သတ်မှတ်ထားတဲ့ ဘာသာရပ်တွေပဲဖတ်ရတာပါ။ ဥပမာ Civil Engineer သင်တန်းက Mechnical Engineer သင်တန်းကစာတွေသွားဖတ်ပြီးကျက်မှတ်နေစရာမလိုပါဘူ။ အထွေထွေဗဟုသုတအတွက်ဖတ် ချင်ရင်တော့ဖတ်ပေါ့။မဖတ်ရင်လည်းဘာမှမဖြစ်ဘူး။ ဒီနေ့လုပ်ငန်းခွင်ရောက်လာကြတော့ လုပ်ငန်းခွင်နဲ့ပတ် သက်တဲ့ ပညာရပ်ဆိုင်ရာစာအုပ်တွေထပ်ပြီးဖတ်ရှုကြရပြန်ပါတယ်။ဒီနေရာမှာပြောချင်တာက ပညာအတွက် စာဖတ်ခြင်းက အထွေထွေဗဟုသုတအတွက်စာဖတ်သလိုမျိုး Generally လုပ်လို့မရဘူး။ ပညာတစ်ခုတတ် မြောက်သွားအောင်လေ့လာရတာပါ။အမှန်တော့ဆရာလိုပါတယ်။ တတ်မြောက်ပြီးသားဆရာတစ်ယောက် လိုပါတယ်။ဆရာမလိုပဲတတ်နေရင် ကျောင်းတွေလည်းလိုမှာမဟုတ်တော့ဘူးပေါ့။ သို့သော်လည်းဆရာ ကောင်း၊သမားကောင်းနဲ့ အခြေခံတွေကိုပိုင်ပိုင်နိုင်နိုင်လေ့လာသင်ယူပြီးသားဆိုရင်တော့ ဆရာ,မပါပဲလေ့ လာတာတော့ရှိပါတယ်။ သို့သော်လည်း စာအုပ်တွေကပြည့်ပြည့်စုံစုံဖြစ်ဖို့တော့လိုပါတယ်။ ကျွန်တော်တို့မှာ ရှိနေတဲ့စာအုပ်တွေက ပညာရပ်တစ်ခုကို တတ်မြောက်သွားအောင်လေ့လာရရှိနိုင်တဲ့စာအုပ်မျိုးတွေရှိပါသ လား။ ရှိတယ်ဆိုပါစို့ (၇)ရက်တစ်ပတ်ငှါးလိုက်ပြန်ပို့လိုက်နဲ့ဖတ်ရှုလို့ရနိုင်ပါ့မလား။ ဘယ်လိုမှမရနိုင်ပါဘူ။ အချိန်အများကြှီးပေးရမှာပါ။ သင်တန်းပေးတာမျိုးဆိုရင်တော့ သတ်မှတ်အချိန်အတွင်း အခြားတာဝန်လည်း မထမ်းဆောင်ရတော့အတွက် ဖြစ်နိုင်စရာရှိပေမယ့်။ ကိုယ့်ဘာသာဖတ်ပြီးလေ့လာတတ်မြောက်တဲ့ အဆင့် တစ်ခုရောက်ဖို့က အချိန်ယူဖို့အလွန်ခက်ခဲပါတယ်။

ဒီတော့ ကျွန်တော်တို့ လူတွေစာဖတ်ကြဖို့ဘာ့ကြောင့်တိုက်တွန်းနေကြတာတုန်းအစကိုပြန်ကောက်ကြည့် ပါ့မယ်။အထွေထွေဗဟုသုတပဲတိုးစေချင်တာလား။ ပိုပြီးတတ်မြောက်လာစေချင်တာလား။အထွေထွေဗဟုသုတအတွက်ဆိုရင် စာစုံအောင်ဖတ်တဲ့အလေ့အ ကျင့်ကိုအရင်မွေးမြူစေရမယ်လို့ထင်ပါတယ်။ပညာတိုးစေချင်ရင်တော့ သင်တန်းပေးပေါ့။ မဟုတ်ဖူး။ အထွေ ထွေဗဟုသုတတော့ဟုတ်တယ်။ဒါပေမယ့် ပညာရပ်ဆိုင်ရာအထွေထွေဗဟုသုတပဲ ဖတ်စေချင်တာဆိုရင် တော့ စာကြည့်တိုက်ထားပေးနိုင်တဲ့ နေရာဌာနအတွက်ပဲကောင်းပါတယ်။ MPE နဲ့ MOGE မှာ စာကြည့်တိုက်မရှိပါဘူး။ MOEE ဆီမှာလာငှါးပြီးဖတ်ရအောင်လည်း အချိန်အားမရှိပါဘူး။ သွားလာဖို့ လည်းမနီးတော့ လာပြီးစာအုပ်တွေငှါးဖတ်ဖို့မဖြစ်နိုင်ပါဘူး။

Sort:  

Thanks for using eSteem!
Your post has been voted as a part of eSteem encouragement program. Keep up the good work! Install Android, iOS Mobile app or Windows, Mac, Linux Surfer app, if you haven't already!
Learn more: https://esteem.app
Join our discord: https://discord.gg/8eHupPq

Hi, @minsoenaing!

You just got a 0.18% upvote from SteemPlus!
To get higher upvotes, earn more SteemPlus Points (SPP). On your Steemit wallet, check your SPP balance and click on "How to earn SPP?" to find out all the ways to earn.
If you're not using SteemPlus yet, please check our last posts in here to see the many ways in which SteemPlus can improve your Steem experience on Steemit and Busy.

MOGE က ဝန်ထမ်းတွေကို ညံ့စေချင်လို့ စာကြည့်တိုက်မထားတာပါ။

ကိုရှိန်းရေမနေ့ကပို့စ်ပိုတော့ စာကြည့်တိုက်မှူးဆီပေးထားခဲပြီ၊ဒုဝန်ကြီးကိုတင်လိုက်ပါမယ်တဲ့။စာကြည့်တိုက်ပဲဖြစ်လာမလား။ကျွန်တော့ပဲခေါ်ထုမလားတော့မသိသေးဘူး

Posted using Partiko Android

Coin Marketplace

STEEM 0.36
TRX 0.12
JST 0.039
BTC 70112.96
ETH 3549.99
USDT 1.00
SBD 4.71